މޯލްޑިވްސް މާކެޓިން އެންޑް ޕީއާރް ކޯޕަރޭޝަން (އެމްއެމްޕީއާރްސީ) ގެ މެނޭޖިން ޑިރެކްޓަރުގެ މަގާމުން ފާތިމަތު ތައުފީގު (ކުޑީ) ވަކިކޮށްފިއެވެ.
ކުޑީ އެ މަގާމުން ވަކިކޮށްފައިވާއިރު އެ ކުންފުނީގެ ޗެއާމަން އައިޝާ ނޫރައިން ޖަނާހު އާއި ބޯޑުގައި ހިމެނިވަޑައިގެންނެވި މެމްބަރު ރާފިލް މުހައްމަދު ވަނީ މަގާމުން އިސްތިއުފާ ދެއްވާފައެވެ. ކުޑީ އެމްއެމްޕީއާރްސީގެ އެމްޑީގެ މަގާމަށް އައްޔަނު ކޮށްފައިވަނީ ޑިސެމްބަރު މަހުގެ 17 ވަނަ ދުވަހުއެވެ.
ކުޑީ މަގާމުން ވަކި ކުރުމާއި ބެހޭ އެއްވެސް ތަފްސީލެއް ރަސްމީ އިދާރާއަކުން އަދި ދެއްވާފައެއް ނުވެއެވެ.
