ސަޔްހޫނީ އިސްރާއީލުގެ ހައްދުފަނައެޅި ބޮޑުވަޒީރު ބެންޖަމިން ނަތަންޔާހޫ އާއި އޭނާގެ ކުރީގެ ދިފާޢީ ވަޒީރު ޔޯއަވް ގައްލަންްތު ހައްޔަރުކުރަން ބައިނަލްއަޤުވާމީ ޖިނާޢީ ކޯޓު, އައިސީސީން އަމުރު ނެރުމާއި ގުޅިގެން އެކަމަށް ރާއްޖޭގެ ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު މަރުހަބާ ވިދާޅުވެއްޖެއެވެ.
ފަލަސްތީނާއި ލުބްނާނާއި ސީރިޔާގެ ރައްޔިތުންގެ ލެއިން ތަތްތެޅިފައިވާ ނަތަންޔާހޫ ހައްޔަރު ކުރަން ނެރުމަށް ރައީސުލްޖުމްހޫރިއްޔާ މަރުހަބާ ވިދާޅުވީ "އެކްސް" ގައި ހިއްސާ ކުރެއްވި ޕޯސްޓެއްގައެވެ.
ރައީސް ވިދާޅުވީ ބައިނަލްއަޤުވާމީ ޤާނޫނުތައް ތަންފީޒުކޮށް، ފަލަސްޠީނުގެ ރައްޔިތުންނަށް އިންސާފު ހޯދައިދީ، ސަރަޙައްދުގައި ހަމަޖެހުން ޤާއިމުކުރުމަށްވެސް ބައިނަލްއަގުވާމީ ޖިނާއީ ކޯޓުގެ އަމުރު ތަންފީޒު ކުރަން ޖެހޭ ކަމަށެވެ.
ނަތަންޔާހޫ، އެތެރެވެއްޖެނަމަ ހައްޔަރުކުރާނެކަން މިހާތަނަށް އިއުލާން ކުރި ގައުމުތަކުގެ ތެރޭގައި އިޓަލީ ހިމެނެއެވެ. އެކަމަކު އިސްރާއީލުގެ އެންމެ ބޮޑު މަދަދުގާރު އެމެރިކާއިން ބުނެފައި ވަނީ ބައިނަލްއަގުވާމީ ޖިނާއީ ކޯޓުގެ އަމުރު ބަލައި ނުގަންނާނެ ކަމަށެވެ.
މި މުޖުރިމް ވެސް ހައްޔަރު ކުރަންވީ.