މާލީ ވަޒީރު މޫސާ ޒަމީރު، އިންޑިއާގެ ގުރުގާއޯންގައި ބޭއްވުނު 8 ވަނަ ވިޝްވަ ސަމުދްރާ ގޯލްޑަން އީގަލްސް ގޮލްފް ޗެމްޕިއަންޝިޕް ފާހަގަކުރުމަށް ބޭއްވުނު ހާއްސަ ރަސްމިއްޔާތެއްގައި ބައިވެރިވެވަޑައިގެންފިއެވެ.
މި ރަސްމިއްޔާތިގައި އިންޑިއާގެ ފާހަގަކޮށްލެވޭ ޝަޚްޞިއްޔަތުންވެސް ބައިވެރިވެވަޑައިގެންނެވިއެވެ. ވިޝްވަ ސަމުދްރާ ގްރޫޕުން އިންތިޒާމުކުރި މި އިވެންޓުގައި، ވިޔަފާރީގެ އިސްވެރިންނާއި، ކުޅިވަރުގެ މަޝްހޫރު ފަރާތްތަކާއި، ސެލެބްރިޓީން އެއްތަނަކަށް އެއްވެ، ގޮލްފް ފާހަގަކުރިއެވެ.
މި ރަސްމިއްޔާތުގައި ފާހަގަކޮށްލެވޭ ބައިވެރިންގެ ތެރޭގައި ބޮލީވުޑްގެ ތަރި އަޖޭ ދެވްގަން، ކްރިކެޓްގެ ލެޖެންޑް ކަޕިލް ދެވް، އަދި ސެލެބްރިޓީ ޖޯޑު ރިތެޝް އަދި ޖެނީލިއާ ދެޝްމުކް ހިމެނެއެވެ. މީގެ އިތުރުން އެހެނިހެން އިއްޒަތްތެރިން ވެސް ބައިވެރިވެވަޑައިގެންނެވިއެވެ.
ވިޝްވަ ސަމުދްރާ ގްރޫޕްގެ ޗެއަރމަން ޗިންތާ ސަސިދަރު 2015 ގައި ފުރަތަމަ ފަށައިގަތް މި ޗެމްޕިއަންޝިޕަކީ އިންޑިއާގެ ގޮލްފް ކަލަންޑަރުގައި އެންމެ ފާހަގަކޮށްލެވޭ އެއް އިވެންޓެވެ.
މި އަހަރުގެ އިވެންޓުގައި ލަގްޒަރީއާ ކުޅިވަރާއި މުނިފޫހިފިލުވުން އެކުލެވިގެންވެއެވެ. މި ޗެމްޕިއަންޝިޕްގައި ޕްރޮފެޝަނަލް އަދި އެމެޗަރ ގޮލްފަރުން ބައިވެރިވިއެވެ. އަދި ހޯލް-އިން-ވަން ޖަހާ ފަރާތަކަށް ބީއެމްޑަބްލިއު އެކްސްއެމް ކާރެއް އަދި މުޅި މުބާރާތް ކާމިޔާބުކުރައްވާ ފަރާތައް ރޯލެކްސް އޮއިސްޓަރ ޕަރްޕެޗުއަލް ގަޑިއެއް ދޭން ވަނީ ހަމަޖެހިފައިއެވެ. ސްވީޑިޝް ގޮލްފަރު ކަމިލާ ލެނާތް އަދި އިންޑިއާގެ ތަރިން ނެހާ ތްރިޕަތީ އަދި ރިދިމާ ދިލަވާރީ މުބާރާތުގެ ވާދަވެރިކަން އިތުރުކުރިއެވެ.
