ސްޕެނިޝް ލަލީގާގައި ރޭ ލެގާނެސްއާ ދެކޮޅަށް ކުޅެނިކޮށް ފަލަމަސްގަނޑަށް ލިބުނު އަނިޔާއާ ގުޅިގެން ރެއާލް މެޑްރިޑުގެ ތަރި ވިނީޝިއަސް ތިން ހަފްތާތެއްހައި ދުވަހަށް ކުޅުމާ ދުރުގައި ހުންނަން ޖެހިއްޖެއެވެ.
މި އަނިޔާގެ ސަބަބުން، ޗެމްޕިއަންސް ލީގުގައި ބުދަ ދުވަހުގެ ރޭ ލިވަޕޫލާ ދެކޮޅަށް ވިނިޝިއަސްއަށް ނުކުޅެވޭނެއެވެ.
އަނިޔާއާ ގުޅިގެން ވިނީޝިއަސް ވަނީ އެއް އަހަރު ތެރޭ ގިނަ މެޗުތަކެއް ކުޅެން ޖެހޭތީ ފުޓްބޯޅަ ކަލަންޑަރަށް ވަރަށް ބޮޑަށް ފާޑު ކިޔާފައެވެ.
ވިނީޝިއަސްގެ އަނިޔާއާ ގުޅިގެން އެންމެ ބޮޑު ފައިދާއެއް ކުރާނެކަމަށް ބެލެވެނީ މިސީޒަނުގައި ރެއާލްއާ ގުޅުނު ފްރާންސްގެ ފޯވާޑް ކިލިއަން އެމްބައްޕޭއަށެވެ. ރެއާލްގައި އެމްބައްޕޭއަށް ލެފްޓް ވިންގަށް ނުކުޅެވެނީ ވިނީޝިއަސް އެމަގާމަށް ކުޅޭތީއެވެ. ކޯޗް ކާލޯ އެންޗެލޮއްޓީ މަސައްކަތް ކުރަމުން ދަނީ އެމްބައްޕޭ ސެންޓަރ ފޯވާޑަކަށް ހޭނުވުމަށެވެ. އެކަމަކު ވިނީޝިއަސްއަށް އަނިޔާވުމުން ކުރިއަށް ހުރި މެޗުތަކުގައި އެމްބައްޕޭ، ލެފްޓް ވިންގަށް ލުމަކީ އެކަށީގެންވާ ކަމެކެވެ.
