މިފްކޯގެ މަސްކިރާ 2 ބޯޓު ނީލަމުގައި ވިއްކާލަން ގެޒެޓްކޮށްފިއެވެ.
ނީލަމުގައި ވިއްކާލަން އިއުލާނު ކުރި 2 ބޯޓަކީ ރަންދި 22 އާއި ރަންދި 27 ކަމަށެވެ. ރަންދި 22 ގެ ނީލަން ފެށޭ އަގަކީ 500،000ރ. އެވެ. ރަންދި 27 ގެ ނީލަން ފެށޭ އަގަކީ 600،000ރ. އެވެ. ނީލަމުގައި ދެ ބޯޓަށް ވެސް މަދުވެގެން އިތުރު ކުރެވޭނީ 25،000ރ. ކަމަށެވެ.
ރަންދި 27 އާއި ރަންދި 22 މިވަގުތު އޮތީ ޅ.ފެލިވަރު ބަނދަރުގައި ކަމަށާއި ބޯޓުތަކުގެ ހާލަތު ބަލަން ބޭނުންވާ ފަރާތްތަކުން ފެލިވަރަށް ދިޔުމުން ބޯޓުގެ އިންސްޕެކްޓް ކުރުމުގެ ފުރުސަތު ލިބޭނެ ކަމަށް މިފްކޯގެ އިއުލާނުގައި ބުނެފައިވެއެވެ.
މިފްކޯގެ އިއުލާން ލިންކް:
https://www.gazette.gov.mv/iulaan/317197
މިފްކޯގެ އިއުލާނުގައި އިތުރަށް ބުނެފައި ވަނީ ނީލަމުގައި ބައިވެރި ވެވޭނީ، ކަނޑައެޅިފައިވާ ޑިޕޮސިޓް ދެއްކުމަށްފަހު ސިޓީލާ ނީލަމުގައި ރަޖިސްޓްރީ ކުރާ ފަރާތްތަކަށް އެކަނި ކަމަށެވެ. ޑިޕޮސިޓްގެ ގޮތުގައި އެ ނީލަމެއް ފެށޭ އަގުކަމަށް ކަނޑައަޅާފައިވާ އަގުގެ %10 ދައްކަން ޖެހެއެވެ. ޑިޕޮސިޓް ފައިސާ ބަލައި ގަތުމަށް ހަމަޖެހިފައި ވަނީ ނަގުދު ފައިސާ ނުވަތަ އޮންލައިން އެކައުންޓް ޓްރާންސްފަރ މެދުވެރިކޮށެވެ.
