ޓީ20 ކްރިކެޓް ވޯލްޑް ކަޕަށް ނެރޭ ސްކޮޑު ޕާކިސްތާނުން އިއުލާނުކޮށްފިއެވެ.
މިދިޔަ ހުކުރު ދުވަހު ޕާކިސްތާނުން އިއުލާނުކުރި ސްކޮޑުގައި ހިމެނެނީ 15 ކުޅުންތެރިންނެވެ. ބަބާ އަޒަމް ކެޕްޓަންގެ ގޮތުގައި ހިމެނިފައިވާއިރު ޕާކިސްތާނުގެ ޓީމު ނިކުންނާނީ ހެޑް ކޯޗުގެ ގޮތުގައި ގެރީ ކާސްޓަން ހިމަނައިގެންނެވެ.
ޕާކިސްތާނުން އިއުލާނުކުރި ސްކޮޑުގައި ޓީ20 ވޯލްޑް ކަޕުގައި އަލަށް ކުޅޭ ފަސް ކުޅުންތެރިން ވަނީ ހިމަނާފައެވެ. އެ ކުޅުންތެރިންނަކީ އަބްރާރް އަހްމަދް, އަޒާމް ހާން, މުހައްމަދު އައްބާސް އަަފްރީދީ, ސައިމް އައްޔޫބް އަދި އުސްމާން ހާންއެވެ.
2 ޖޫން ވާ ދުވަހުން ފެށިގެން 29 ޖޫން ވާ ދުވަހުގެ ނިޔަލަށް ކުރިއަށްދާ ޓީ20 ވޯލްޑް ކަޕުގައި ޕާކިސްތާނު ހިމެނިފައިވަނީ ގްރޫޕު "އޭ" ގައެވެ. ޕާކިސްތާނުގެ އިތުރުން އެ ގްރޫޕުގައި ހިމެނެނީ ކެނެޑާ, އިންޑިއާ, އަޔަލެންޑް އަދި އެމެރިކާއެވެ.
މުބާރާތުގެ ފުރަތަމަ މެޗަށް ޕާކިސްތާނުން ނިކުންނާނީ 6 ޖޫން ވާ ދުވަހުއެވެ. މި މެޗުގައި އެ ޓީމުން ނިކުންނާނީ މުބާރާތުގެ ހޯސްޓުން ކަމުގައިވާ އެމެރިކާއާ ދެކޮޅަށް, ގްރޭންޑް ޕްރަޔާ ކްރިކެޓް ސެޓޭޑިއަމްގައެވެ.
