ކުޅުދުއްފުށި ސިޓީގައި ބޭއްވި އާއިލީ ހަވީރުގައި އެމްއެންޑީއެފް އިން ބައިވެރިވެއްޖެއެވެ.
މި ހަވީރުގައި ބައިވެރިވެފައިވަނީ އެމްއެންޑީއެފްގެ ނޮދަން އޭރިއާ ކޮމާންޑުންނެވެ. "މައިންޑްފެސްޓް" ނަމުގައި ބޭއްވި މި ހަވީރަކީ އޮސްޓްރޭލިއަން ހައިކޮމިޝަން އަދި އޮރީގެންއާއި ކުޅުދުއްފުށީގެ ކައުންސިލުން ގުޅިގެން ބޭއްވުނު ހަވީރެކެވެ. މި ހަވީރު ބޭއްވުނު މަގުސަދަކީ ނަފުސާނީ ސިއްހަތަށް ހޭލުންތެރި ކުރުވުމެވެ. މި ފެސްޓިވަލްގައި އެމްއެންޑީއެފް ނޮދަން އޭރިއާ ކޮމާންޑް، ކުޅުދުއްފުށީ ފަޔަރ ސްޓޭޝަންގެ ވެހިކަލްތަކާއި ފަޔަރމަނުންނާއެކު ކުޑަކުދިންނަށް ފޮޓޯ ނެގުމުގެ ފުރުޞަތު ވަނީ ފަހިކޮށްދީފައެވެ. މި ހަރަކާތުގައި ކުޅުދުއްފުށީ ސިޓީގެ ގިނަ އަދަދެއްގެ ކުޑަކުދިން ބައިވެރިވިއެވެ.
