އައްޑޫ ސިޓީން ކަރަންޓުގެ ހާލަތު ދައްވެ، އެކި ސަރަހައްދުތަކުން ކަރަންޓު ކެނޑެމުން ދަނީ އެސީޓެ 1.8 މވ އިންޖީނަކަށް ދިމާވެގެން އުޅޭ މައްސަލައެއްގެ ސަބަބުން ކަމަށް ފެނަކަ ކޯޕރޭޝަން އިން ބުނެފިއެވެ.
އެ ކުންފުނިން ނެރުނު ނޫސް ބަޔާނެއްގައި ބުނީ، އައްޑޫ ސިޓީގައި މިހާރު ހަރު ކުރެވިފައި ހުރި ޖެންސެޓުތަކުގެ ތެރެއިނ،ް 1.8 މވ ގެ އިންޖީނަށް ދިމާވެފައިވާ މައްސަލައަކާއި ގުޅިގެން އައްޑޫ ސިޓީގެ ގުޅިފައިވާ ރަށްތަކަށް ބޭނުންވާ މިންވަރަށް ކަރަންޓު އުފެއްދުމަށް ދަތިތަކެއް ކުރިމަތިވެފައިވާކަމަށެވެ.
އަދި މި އިންޖީނު މަރާމާތު ކުރުމަށް ބޭނުންވާ ސްޕެއަރް އަކީ ރާއްޖެ އިން ލިބެން ހުންނަ އެއްޗަކަށް ނުވާތީ، ސްޕެއަރ ހޯދުމުގައި ދަތިތަކެއް ކުރިމަތިވެފައި ކަމަށް ފެނަކައިން ބުނެފައިވެއެވެ. އެހެންކަމުން، ސްޕެއަރ ހޯދ،ާ އިންޖީނު މަރާމާތު ކުރުމުގެ އިތުރުނ،ް މި މައްސަލައަށް ހައްލު ހޯދުމަށް ގިނަ މަސައްކަތްތަކެއް ފެނަކައިން ކުރަމުން ދާކަމަށްވެސް އެ ކުންފުނިން ނެރުނުބަޔާނުގައި ބުނެފައިވެއެވެ.
މިގޮތުނ،ް 1.6 މވ އައު ޖެންސެޓެއް އައްޑޫ ސިޓީއަށް ފޮނުވުމުގެ މަސައްކަތް ކުރަމުން ދާކަމަށް ފެނަކައިން ހާމަކުރިއެވެ. އަދ،ި އައްޑޫ ސިޓީގ ކަރަންޓުގެ ހާލަތް ކުރިއަށް އޮތް 20 އަހަރަށް ބޭނުންވާ ވަރަށް ކެޕޭސިޓީ އިތުރުކުރުމަށ،ް ޑީސެލް ޕަވަރ ޖެނެރޭޝަން އެންޑް ޑިސްޓްރިބިއުޝަން ސިސްޓަމް ޕްރޮޖެކްޓް ފޯރް އައްޑޫ ސިޓީގެ ނަމުގައި ޑޮންފެންގް އިލެކްޓްރިކް އިންޓަނޭޝަނަލް ކޯޕަރޭޝަނާ ހާވާލުކޮށްގެން ޒަމާނީ ޕަވަރ ހައުސް އެއް ޤާއިމު ކުރުމަށް އެއްބަސްވުމުގައި ސޮއި ކުރެވި މަސައްކަތް މިހާރު ފެށިފައިވާކަމަށް ފެނަކައި ބުނެފައިވެއެވެ.
މީގެ އިތުރުން، ފެނަކައިން ހާމަކުރި ގޮތުގައި، އައްޑޫ ސިޓީގެ ޖެނެރޭޝަން ކެޕޭސިޓީގެ މައްސަލައިގެ އިތުރުނ،ް މަގުހެދުމުގެ މައްސަކަތް ކުރިއައް ގެންދާ ކުންފުނި އެފްކޮންގެ އަތުން އެޗް.ވީ ކޭބަލާއި ނެޓްވޯކަށް ތަކުރާރުކޮށް ގެއްލުންވެ ހިތަދޫ ސ.ީޕީ.އެސްއާ ގުޅިފައިވާ ރަށްތަކުން ކަރަންޓު ކެނޑުމުގެ ހާދިސާތަކެއް މީގެ ކުރިން ކުރިމަތިވެފައިވެއެވެ.
މިގޮތުން މިމަހު އެއްވަނަ ދުވަހު އެފްކޮންގެ އަތުން އެޗްވީ ކޭބަލް ހަލާކުވުމާއިގުޅިގެން ނެޓްވޯކަށް މައްސަލަތަކެއް ދިމާވާން ފެށިކަމަށް ފެނަކައިން ބުނެއެވެ. އަދި އިއްޔެ ދިމާވި ކަރަންޓުގެ މައްސަލައަކީވެސް އޭގެ ފަހުން ނެޓްވޯކަށް ދިމާވާންފެށި މައްސަލައެއްކަމަށް ފާހަގަ ކުރެވިފައިވާ ކަމަށާއި، އިއްޔެ ނެޓްވޯކަށް ދިމާވި މައްސަލަ ފެނަކަ ޓެކްނިކަލް ޓީމުން މިހާރު ވަގުތީ ގޮތުން ހައްލުކޮށްފައިކަމަށް ފެނަކައިން ފާހަގަކޮއްފައިވެއެވެ.
ނަމަވެސ،ް މަގުހެދުމުގެ މަޝްރޫޢު ކުރިއަށް ގެންދިއުމުގެ ސަބަބުން ނެޓްވޯކަށް ދިމާވާ މައްސަލަ އިތުރަށް ދިމާވެދާނެ ކަމަށް ފެނަކައިން ޤަބޫލު ކުރާކަމަށް ބެނެފައިވެއެވ
ފެނަކައިން އުތުރަށް ބުނީ، ފެނަކައިން މަސައްކަތް ކުރަމުން އަންނަނީ ކުންފުނިން ދެމުން ގެންދާ ޙިދުމަތްތައް ރަނގަޅުކޮށ،ް ރައްޔިތުންނަށް ލުއި ގޮތްތައް ހޯދައިދިނުމަށެވެ އަދި މިއަދު އައްޑޫ ސިޓީއަށް ދިމާވެ ފައިވާ މައްސަލައިގެ ސަބަބުން އައްޑޫ ސިޓީގެ ރައްޔިތުންނަށް ދިމާވާ ދަތިތަކަށް އެ ކުންފުނިން މައާފަށް އެދިފައިވެސް ވެއެވެ.
މިއަދު ރައްޔިތުންގެ މަޖިލީހުގެ ޖަލްސާގައި އައްޑޫ ސިޓީން ކަރަންޓު ކެނޑޭ މައްސަލައާ ގުޅޭގޮތުން ހުށަހެޅި ކުއްލި މައްސަލައަށް ބަހުސް ފަށާފައިވެސްވެއެވެ.
