ސްރީ ލަންކާގެ ރިޔާސީ އިންތިހާބު އޮންނާނީ އަންނަ ސެޕްޓެންބަރު މަހުގެ 21 ވަނަ ދުވަހު ކަމަށް އެގައުމުގެ އިލެކްޝަން ކޮމިޝަނުން ބުނެފިއެވެ.
އަންނަ އިންތިހާބުގައި 22 މިލިޔަން ރައްޔިތުންގެ ތެރެއިން 17 މިލިޔަން ބޭފުޅުންނަށް ވޯޓު ދިނުމުގެ ހައްގު ލިބިގެން ވެއެވެ. މި އިންތިހާބުގައި ކުރިމަތި ލާން ބޭނުންވާ ކެނޑިޑޭޓުންނަށް އެގައުމުގެ އިލެކްޝަން ކޮމިޝަނުން ވަނީ އޮގަސްޓް މަހުގެ 15 ވަނަ ދުވަހާއި ހަމަޔަށް އިލެކްޝަނުގައި ބައިވެރިވުމުގެ ފުރުސަތު ހުޅުވާލާފައެވެ. ލަންކާގެ އިންތިހާބުގައި ބައިވެރިވުމަށް އެންމެ ފުރަތަމަ ހުށައަޅާއިފައިވަނީ ރާނިލް ވިކްރެމެ ސިންގްއެވެ.
އަލްޖަޒީރާ މީޑިއާއިން ބުނާގޮތުގައި މި އިންތިހާބަކީ ލަންކާގައި އިގްތިސާދީ އަދި ސިޔާސީ ބޮޑު ލޮޅުންތަކަކަށް ފަހު އޮންނަ އިންތިހާބެކެވެ. އަދި ލަންކާގެ ރައްޔިތުންނަށް ވަނީ އެންމެ އަސާސީ ބޭނުންތަށް ވެސް ނުފުއްދާ އުޅެންޖެހިފައި ކަމަށް އަލްޖަޒީރާއިން ބުންޏެވެ.
