ލުބުނާނުގައި ހަރަކާތްތެރިވާ އަސްކަރީ ގޮތުން ބާރުގަދަ ޖަމާއަތް، ހިޒްބުﷲ އާއި ފަލަސްތީނުގެ ބިންތަކަށް ވެރިވެގެން ތިބި ސަހްޔޫނީ އިޒްރޭލާ ދެމެދު ހަނގުރާމައެއް ފެށިދާނެ ކަމަށް ވަރަށް ބޮޑަށް ބެލެވިއްޖެއެވެ.
ހިޒްބުﷲ އާއި އިޒްރޭލާ ދެމެދު މީގެ ކުރިން ހަމަލާތައް ބަދަލު ކުރުމުންދިޔަނަމަވެސް މީގެ ކުރިން ބަދަލު ނުކުރާވަރުގެ ނުރައްކާތެރި ހަމަލާތަކެއް ފާއިތުވެދިޔަ 24 ގަޑިއިރު ތެރޭގައި ވަނީ ބަދަލު ކޮށްފައެވެ. މީގެ ތެރެއިން އެއްހަމަލާގައި އިޒްރޭލުން ފޮނުވާލި ރޮކެޓެއް، އިޒްރޭލުން ހިސޯރުކޮށްފައިވާ ގޯލާންގެ އުސްބިމުގައިވާ ފުޓްބޯޅަ ދަނޑަކަށް ވެއްޓި އިޒްރޭލުގެ 12 ކުދިން ވަނީ މަރުވެފައެވެ. އިޒްރޭލުން މިހަލާގެ ތުހުމަތު އަޅުވަނީ ހިޒްބުﷲގެ ބޮލުގައެވެ. އެކަމަކު އިޒްރޭލުން ކުރާ ތުހުމަތުތަކުގައި އަސްލެއް ނެތް ކަމަށް ހިޒްބުﷲއިން ބުނެއެވެ.
އިޒްރޭލާއި ހިޒްބުﷲ ޖަމާއަތާ ދެމެދު ހަނގުރާމައެއް ފެށިދާނެ ކަމަށް ބަލައި، ޖަރުމަނުގެ މަޝްހޫރު ލުފްތަންސާ އެއަރލައިނާއި ޖޯޑަންގެ އެއާލައިނުން ވަނީ ލުބްނާނުގެ ވެރިރަށް ބެއިރޫތަށް ކުރާ ވައިގެ ދަތުރުތައް މެދުކަނޑާލާފައެވެ.
ހިޒްބުﷲއާ ދެކޮޅަށް ހަނގުރާމައެއް ފަށައި ލުބްނާނު ސުންނާފަތި ކޮށްލުމަށް އިޒްރޭލުން ތައްޔާރު ވަމުން އަންނައިރު، އިޒްރޭލުން ގެންދަނީ މިދިޔަ އަހަރުގެ އޮކްޓޫބަރު 8 ވަނަ ދުވަހުން ފެށިގެން ފަލަސްތީނުގެ ޣައްޒާއަށް އަރައި ޣައްޒާގެ 2.3 މިިލިޔަން ރައްޔިތުންނާ ދެކޮޅަށް ގަތުލްއާންމުތައް ހިނގަމުންނެވެ. މިގަތުލްއާންމުގައި މިހާތަނަށް 39،000 އަށްވުރެ ގިނަ ފަލަސްތީނުގެ ރައްޔިތުން ވަނީ ޝަހީދު ކޮށްލާފައެވެ.
