ބިޒްނަސް ސެންޓަރ ކޯޕަރޭޝަން (ބީސީސީ) އިން އިންތިޒާމްކޮށްގެން ބޭއްވި ނައިފަރު ކްރިއޭޓަރސް ކޮންފްލުއެންސް ކާމިޔާބުކަމާއެކު ނިމުމަކަށް އައިސްފިއެވެ.
ކްރިއޭޓަރސް ކޮންފްލުއެންސްގައި އުފެއްދުންތެރި ވިސްނުންތައް އެއްތަނަކަށް ގެނެސް، އިލްހާމާއި އެއްބާރުލުން ދިނުމުގެ އިވެންޓެއް ބޭއްވިގެން ދިޔަކަމަށް ބީސީސީއިން ބުނެއެވެ. މި ހަރަކާތް ބޭއްވުނީ ނައިފަރު ކައުންސިލްގެ ކޮންފަރެންސް ހޯލުގައި، އޯގަސްޓް މަހުގެ 2 ވަނަ ރޭ 21:00 އިން 23:00 އަށެވެ.
މި ހަރަކާތުގައި ފޯރިގަދަ މަޝްވަރާތަކާއި އައު ޚިޔާލުތައް ހުށަހެޅިގެންދިޔަކަމަށް ބީސީސީީއިން ބުނެފަވެއެވެ. އަދި އުފެއްދުންތެރިކަމާއި އެއްބާރުލުމުގެ ބާރުގެ މައްޗަށް މި އިވެންޓުގައި އަލިއަޅުވާލެވުނެވެ. މި ހަރަކާތުން ފުރިހަމަ އިންސްޕިރޭޝަން ލިބިގެން ގޮސް އިވެންޓުގެ ތެރޭގައި މަޝްވަރާކުރެވުނު ނުހަނު ގިނަ ފުރުސަތުތަކުގެ މައްޗަށް ވިސްނައި ފިކުރުކުރުގެ ފުރުސަތު ނައިފަރުގެ އުފެންދުންތެރި ޒުވާނުންނަށް ލިބިގެންދާނެއެވެ.
