ފަލަސްތީނުގެ މިނިވަންކަމަށްޓަކައި ޖިހާދު ކުރަމުން އަންނަ ހަމާސް ޖަމާއަތުގެ ސިޔާސީ ގޮފީގެ އައު ލީޑަރަކަށް ޔަހްޔާ ސިންވާރު ހަމަޖައްސައިފިކަން އެޖަމާއަތުން މިރޭ އިއުލާން ކޮށްފިއެވެ.
ހަމާސް ޖަމާއަތުގެ ސިޔާސީ ލީޑަރަކަށް ސިންވާރު ހަމަޖައްސާފައި މިވަނީ، އެޖަމާއަތުގެ ސިޔާސީ ގޮފީގެ ލީޑަރުކަން ކުރައްވަމުން ގެންދިޔަ ޑޮކްޓަރ އިސްމާއިލް ހަނިއްޔާ ޒަޔަނިސްޓުން ދިން ހަމަލާއެއްގައި މިދިޔަ ބުދަ ދުވަހުގެ ރޭ އަވާރަކޮށްލުމާ ގުޅިގެންނެވެ.
ސިންވާރު އުފަންވެވަޑައިގަތީ 29 އޮކްޓޫބަރު 1962 ވަނަ އަހަރު ޚާން ޔޫނިސްގެ ރެފިއުޖީ ކޭމްޕުގައެވެ. ޢަރަބި ބަހުގެ ރޮނގުން ބެޗްލާސް ޑިިގްރީ ހާސިލް ކުރައްވައިގެން ހުންނެވި ސިންވާރަކީ ޒަޔަނިސްޓް އިޒްރޭލަކީ ދައުލަތެއް ކަމަށް ބަލައިގަންނަން ވަރަށް ބޮޑަށް ދެކޮޅު ހައްދަވާ ބޭފުޅެކެވެ.
ސިންވާރު މިވަގުތުވެސް ހުންނެވި ކަމަށް ވަނީ އިޒްރޭލުން ޤަތުލް އާންމުތައް ހިންގަމުން އަންނަ ޣައްޒާގައެވެ. މުޖާހިދުންނާއެކު ސިންވާރު ދިރިއުޅުއްވަމުން ގެންދަވަނީ ޣައްޒާގައި މުޖާހިދުން ޤާއިމްކޮށްފައިވާ ޓަނަލްތަކުގެ ތެރޭގައި ކަމަށް އިޒްރޭލުން ތުހުމަތު ކުރެއެވެ.
ސިންވާރަކީ އިޒްރޭލުން އަވަހާރަކޮށްލަން ބޭނުން ވެގެން އިއުލާނު ކޮށްފައިވާ ލިސްޓުގައި ހިމެނޭ ބޭފުޅެކެވެ.
