ހއ. މާރަންދޫ ކައުންސިލްގެ މެމްބަރު ހޮވުމަށް ބޭއްވި ބައި-އިލެކްޝަން ޕީއެންސީން ކާމިޔާބުކޮށްފިއެވެ.
މި ބައި-އިލެކްޝަންގައި ޕީއެންސީންގެ ފަރާތުން ވާދަކުރި ކެންޑިޑޭޓަކީ އަބްދުލްހަމީދު އަބްދުއްސައްތާރެވެ، އަބްދުލްހަމީދު މި ބައި-އިލެކްޝަން ކާމިޔާބުކޮށްފައިވަނީ އިދިކޮޅު އެމްޑީޕީގެ ކެންޑިޑޭޓާއި ވާދަކޮށެވެ.
ހއ. މާރަންދޫ ކައުންސިލަށް މެންބަރަކު ހޮވުމަށް މިއަދު ހެނދުނު 8 އިން ހަވީރު 4 އަކަށް ބޭއްވި މި ބައި-އިލެކްޝަންގައި މި ވޯޓުލުމުގެ ހައްގު 736 މީހަކަށް ލިބޭ ކަމަށް އީސީން މައުލޫމާތު ދެއެވެ . ނަމަވެސް ވަގުތު ހަމަވުމާއި ހަމައަށް ވޯޓުލާފައިވަނީ 560 މީހުންނެވެ.
ޕީއެންސީއިން ވަނީ އަބްދުލްހަމީދު މި އިންތިހާބު ކާމިޔާބުކުރުމާގުޅިގެން އޭނާއަށް މަރުހަބާ ދަންނަވާފައެވެ.
މާރަންދޫ ކައުންސިލަށް މެންބަރަކު އިންތިހާބުކުރުމަށް ބައި-އިލެކްޝަނެއް ބާއްވާފައި މިވަނީ އެކައުންސިލްގެ ނައިބު ރައީސްކަމުގައި ހުންނެވި އަހުމަދު ރަމީޒު މިދިޔަ ޖުލައި މަހުގެ 13 ވަނަ ދުވަހު ނިޔާވުމާއި ގުޅިގެންނެވެ.
