މަސްވެރިކަމަށް ރަޖިސްޓްރީ ކޮށްފައިވާ އުޅަނދުތަކުން ދޮށީގެ މަސްވެރިކަން ކުރުމަށް އަޅާފައިވާ ކަނދުފައްޗެއް ކަރިރިން ފުލުހުންގެ ލާންޗެއް މަސްވެރިކަން ކުރަން އުޅުނު މައްސަލައެއް ފުލުހުން ބަލަން ފަށައިފިއެވެ.

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން ރާއްޖޭގެ އެކި ސަރަހައްދުތަކުގައި އަޅާފައިވާ މަސްކަނދުފަތިތައް ކައިރިން މަސްވެރިކަމަށް ލައިސަންސް ދޫކޮށްފައިވާ އުޅަނދުތައް ފިޔަވައި އެހެން އުޅަނދުތަކުން މަސްވެރިކަން ކުރުމަކީ މަނާކަމެކެވެ. އަދި އެއްވެސް ބާވަތެއްގެ އުޅަނދެއްގައި ކަނދުފަތިތަކާ ކައިރިކޮށް ޖިގިން ޖެއްސުމަކީވެސް މަނާކަކެމެވެ.

ސޯޝިއަލް މީޑިޔާގައި ދައުރުވަމުން އަންނަ ވީޑިއޯއިން ފެންނަ ގޮތުގައި ފުލުހުންގެ ލާންޗެއްގައި ބަޔަކު ގޮސް ކަނދުފައްޗާއި ވަރަށް ކައިރިން ޖިގިން ދޮށި އުކާ މަންޒަރު ފެނެއެވެ. މައުލޫމާތު ލިބިފައިވާ ގޮތުގައި މިހާދިސާ ހިނގާފައި ވަނީ ފުވަމުލަކު ކަނދުފަތި ކައިރީގައެވެ.

އިތުރު ލިޔުންތައް