ބިސް ރިހަރިހަޔަކީ ދިވެހީންގެ މެދުގައި މަގުބޫލު ރިހައެކެވެ. ދިވެހިން ތަފާތު އެތައް ވައްތަރެއްގެ ރިހަ ތައްޔާރުކުރާއިރު، ބިސް ރިހަޔަކީ ދިވެހިންގެ ހިތްތަކުން ޖާގަ ހޯދާފައިވާ ހާއްސަ ރިހައެކެވެ.
ހަލިސުފުރާގައި މިއަދު މިގެނެސްދެނީ 4 މީހުންނަށް ކައިލެވޭ ވަރަށް ބިސްރިހަ ކައްކާނެ ގޮތެވެ.
ބޭނުންވާ ތަކެތި:
4 ބިސް ، ⅓ ޖޯޑު ފިޔާ (ތުނިކޮށް ކޮށާފައި) ، 1½ ސައިސަމުސާ ލޮނުމެދު (ތުނިކޮށް ކޮށާފައި) ، 2 މިރުސް (ދިގުކޮށް ދެފަޅިކޮށްފައި) ، 1 ސައިސަމުސާ މުގުރި މިރުސް ، ½ ސައިސަމުސާ ދިރި (މުގުރާފައި) ، ¼ ސައިސަމުސާ ރީނދޫ، ¼ ސައިސަމުސާ ދިރި (މުގުރާފައި) ، 1 އިންޗި ފޮނިތޮށި ، 1 އިންޗި ރާނބާފަތް ، 1 މޭޒުމަތީ ސަމުސާ ހިކި މަސް (މުގުރާފައި، 1 ޖޯޑު ކާށި ކިރު، 2 މޭޒުމަތީ ސަމުސާ ކައްކާތެޔޮ ، 5 ހިކަނދިފަތް ، ލޮނު (ރަހަލާވަރަށް)
ހަދާނެގޮތް
8 މިނެޓު ވަންދެން ބިސްތައް ފެނުކައްކާލާށެވެ. ބިހުގެ ތޮށިތައް ނޮޅާލުމަށްފަހު، އިލޮށިކޮޅެއް ބޭނުންކޮށްގެން ބިހުގައި ލޯވަޅުތަކެއް އަޅާށެވެ.ތެއްޔަކަށް ތެޔޮ ފޮދެއް އަޅައި ހޫނުކޮށްލުމަށްފަހު، ރަންކުލަ އަރަންދެން ބިސްތައް ތެލުލާށެވެ. އެއަށްފަހު، ބިސްތައް ނަގައި، ޓިޝޫއެއް ބޭނުންކޮށްގެން ތެޔޮތައް ހިއްކާލާފައި އެއްކައިރީގައި ބަހައްޓާށެވެ. (ބޭނުންވެއްޖެ ނަމަ، މިބައި ދޫކޮށްލެވިދާނެއެވެ.)
ތެއްޔަކަށް 1 ސައިސަމުސާ ތެޔޮ އަޅައި ހޫނުކޮށްލުމަށްފަހު، ފިޔާ، ލޮނުމެދު، ހިކަނދިފަތް އަދި ރާނބާފަތް އަޅައި މަޑު މުށިކުލައެއް އަރަންދެން ހަނާކޮށްލާށެވެ.ކާށި ކިރު ފިޔަވައި، ބާކީ ހުރި ތަކެތި އަޅައި، 5 މިނެޓު ވަންދެން ކައްކާލާށެވެ. އެއަށްފަހު، ކާށި ކިރުކޮޅާއި ލޮނު އަޅާލާށެވެ. އޭތެގެރެއަށް ބިސްކޮޅު އަޅައި 5 މިނެޓު ވަންދެން ކައްކާލާށެވެ.
ރެފަރެންސް: މޯލްޑިވްސްކޫކް
