މާލެ އައިލެންޑް ޑިޒާސްޓާ ރެޒިލިއަންސް އެންހޭންސްމަންޓް ޕްރޮޖެކްޓްގެ ހިލޭ އެހީގެ ދަށުން މާލޭގެ ބޭރު ތޮށި މަރާމާތުގެ ކުރުމުގެ އެކްސްޗޭންޖް އޮފް ނޯޓްސްގައި ދިވެހި ސަރުކާރާއި ޖަޕާން ސަރުކާރާ ދެމެދު އެއްބަސްވުމެއްގައި ސޮއިކޮށްފިއެވެ.
މި އެއްބަސްވުމުގައި ސޮއިކުރުމުގެ ރަސްމިއްޔާތު އޮތީ މިއަދު ހެނދުނު ފޮރިން މިނިސްޓްރީ ގައެވެ.
އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ހާރިޖީ ވަޒީރު މޫސާ ޒަމީރުއެވެ. ޖަޕާން ސަރުކާރުގެ ފަރާތުން ސޮއިކުރެއްވީ ޖަޕާނުން ރާއްޖެއަށް ކަނޑައަޅާފައި ހުންނަވާ ސަފީރު ޓަކެއުޗީ މިޑޯރީއެވެ. މި ރަސްމިއްޔާތުގައި އިމާރާތް ކުރުމާއި ބިނާރާ ބެހޭ ވަޒީރު ޑރ.އަބްދުﷲ މުއްތިލިބްވެސް ބައިވެރިވެވަޑައިގެންނެވިއެވެ.
ޖަޕާނު ސަރުކާރުގެ އިކޮނޮމިކް އެންޑް ސޯޝަލް ޑިވެލޮޕްމަންޓް ޕްރޮގްރާމްގެ ދަށުން ކުރިއަށް ގެންދިއުމަށް ނިންމާފައިވާ އެ އެއްބަސްވުމުގައި ހިލޭ އެހީގެ ގޮތުގައި 20 މިލިއަން ޖަޕަނީސް ޔެން (140،000 ޑޮލަރު) ދޭން ނިންމާފައިވެ އެވެ.
