ޓްރެއިނިންގ ރިސޯޓެއް ތަރައްޤީކުރުމުގެ މަސައްކަތް ކުރިއަށް އޮތް 2 އަހަރުތެރޭގައި ފެށޭނެ ކަމަށް މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވަޒީރު ޑރ. މަރިޔަމް މާރިޔާ ވިދާޅުވެއްޖެއެވެ.
މި ޓްރެއިނިންގ ރިސޯޓު ޤާއިމުކުރެވެނީ ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) އާ ގުޅިގެންނެވެ.
ނޫސްވެރިންގެ ބައްދަލުވުމެއްގައި ވާހަކަދައްކަވަމުން، ވަޒީރު ޑރ. މާރިޔާ ވިދާޅުވީ ޓްރެއިނިންގ ރިސޯޓެއް ތަރައްޤީކުރުމުގެ މައިގަނޑު މަޤްޞަދުތަކުގެ ތެރޭގައި ބައިނަލްއަޤުވާމީ ދަރިވަރުން ރާއްޖެއަށް ކިޔަވަން ގެނައުން ހިމެނޭ ކަމަށެވެ.
މީގެ އިތުރުން، މި ރިސޯޓުގެ ޕްރޮޕޯސަލް މިހާރު ވަނީ ނިމިފައިކަމަށާއި، އެ ޕްރޮޕޯސަލް މުރާޖަޢާކުރުމުގެ މަސައްކަތް ކުރިއަށްދާކަމަށް ވަޒީރު ހާމަކުރެއްވިއެވެ. އަދި އެއް އަހަރުގެ މުއްދަތުގެ ތެރޭގައި އިންވެސްޓަރުން ހޯދުމުގެ މަސައްކަތްވެސް ކުރެވޭނެ ކަމަށާއި، ޓްރެއިނިންގ ރިސޯޓު ތަރައްޤީކުރުމުގެ މަސައްކަތް އަމަލީގޮތުން ފެށޭނީ 2 އަހަރުތެރޭގައި ކަމަށް ވަޒީރު ވިދާޅުވިއެވެ.ހި
ފޮނިވާހަކަނުދައްކާ ދަރިވަރުންގެ ކޯހުގެފައިސާ ހަވާލުކުރޭ.