މަޖީދިއްޔާ ސްކޫލްގެގެ ދަރިވަރުންނަށް ރިސާލަތު ޕްރޮގުރާމް ކުރިއަށް ގެންގޮސްފިއެވެ.
އިސްލާމީކަންތަކާ ބެހޭ ވުޒާރާއިން ބޭއްވި މި ސެޝަންގައި ބައިވެރިވެފައިވަނީ މަޖީދިއްޔާ ސްކޫލުގެ ގްރޭޑު 4ގެ ދަރިވަރުންނެވެ.
މަޖީދިއްޔާ ސްކޫލަށް ނަގައިދިން ސެޝަންގައި ވަނީ ނަމާދާ ގުޅޭގޮތުން ގިނަ މައުލޫމާތުތަކެއް ދަރިވަރުންނަށް ދީފައެވެ. މި ޕްރޮގުރާމް ނަންގަވައިދެއްވީ އިސްލާމީ ކަންތައްތަކާ ބެހޭ ވުޒާރާގެ ވާއިޡް އައްޝައިޚް އަޙްމަދު ފަޙުމީ ދީދީ އެވެ.
އިސްލާމީ ކަންތައްތަކާ ބެހޭ ވުޒާރާއިން ފަށާފައިވާ ރިސާލަތު ޕްރޮގުރާމަކީ ދިވެހިންގެ މެދުގައި ދީނީ ހޭލުންތެރިކަން އިތުރު ކުރުމަށް، ހުރިހާ އުމުރުފުރާއަކަށްވެސް ތަފާތު އެކި ޕްރޮގުރާމުތައް ކުރިއަށް ގެންދެވޭ ގޮތަށް، އެކްޝަން ޕްލޭންއެއް ތައްޔާރުކޮށް ރޭވުންތެރިކަމާއެކު ކުރިއަށް ގެންދާ ޕްރޮގުރާމެކެވެ.
މި ޕްރޮގުރާމުގެ ދަށުން މިއަހަރު މިހާތަނަށް 620 އަށްވުރެ ގިނަ ހަރަކާތް ކުރިއަށް ގެންގޮސްފައެވެ.
