ރައީސް ޑރ. މުހައްމަދު މުއިއްޒު އަވަހަރާކޮށްލާނެ ކަމަށް ބުނެ އިންޒާރުދިން މައްސަލައެއް ފުލުހުން ބަލަން ފަށައިފި އެވެ.
މި މައްސަލައާ ގުޅިގެން ފުލުހުން މިއަދު ބުނީ "އަބްލޯ މިޔާދު ޔޫސުފް"ގެ ނަމުގައި ސޯޝަލް މީޑިގައި ހަރަކާތްތެރިވާ މީހަކު ރައީސަށް މަރުގެ އިންޒާރުދިން މައްސަލައެއް ސީރިއަސް މައްސަލައެއްގެ ގޮތުގައި ބަލަމުން އަންނަ ކަމަށެވެ.
"އަބްލޯ މިޔާދު ޔޫސުފް"ގެ ނަމުގައި ސޯޝަލް މީޑިގައި ހަރަކާތްތެރިވާ މި އެކައުންޓުން ވަނީ މަޑަވެލީ ދާއިރާގެ ކުރީގެ މެމްބަރު ހުސެއިން ފިރުޝާނަކީ "ކަރު ކަނޑާލަން ޖެހޭވަރު މީހެއް" ކަމަށް ބުނެވެސް އިންޒާރު ދީފައެވެ.
ރާއްޖޭގެ ތާރިހަށް ބަލާއިރު، ކުރީގެ ރައީސް، ރައީސް މައުމޫނު އަބްދުލްޤައްޔޫމަށް ވަޅިން ހަމަލާދީ އަވަހާރަކޮށްލަން މަސައްކަތް ކުރިއެވެ. އޭގެ ފަހުން ކުރީގެ ރައީސް އަބްދުﷲ ޔާމީނު ދަތުރު ކުރެއްވި ލާންޗް ކޮޅު ގޮއްވާލައިގެން އެމަނިކުފާނު އަވަހާރަކޮށްލަން ހަމަލާ ދީފައިވެއެވެ. އަދި މީގެ ތިން އަހަރެއްހައި ދުވަސް ކުރިން ރައީސް ނަޝީދު ކާރަށް އަރާވަޑައިގަންނަވަން ދަނިކޮށް އެއްޗެއް ގޮއްވާލުމާއި ގުޅިގެން ބޮޑެތި ޒަހަމްތަކެއް އެމަނިކުފާނަށް ލިބިވަޑައިގަތެވެ.
