ސްރީލަންކާގެ އައު ސަރުކާރާ މެދު އިންވެސްޓަރުންގެ ޔަޤީންކަން އޮތްކަން ހާމަވެގެން ހިނގައްޖެއެވެ. މިއަދު ކޮލަމްބޯ ސްޓޮކް އެކްސްޗޭންޖުގައި ޙިއްސާގެ އަގުތައް އުޅުނީ، އާދަޔާ ޚިލާފަށް މަތީގައެވެ. މިއަދު އޯލް ޝެއާ ޕްރައިސް އިންޑެކްސް (އޭއެސްޕީއައި) ގައި އެއް ދުވަހު އެންމެ މަތީ އަގެއް ކަމަށްވާ 325 ޕޮއިންޓް ރެކޯޑްކޮށްފައިވަނީ މިއަދުއެވެ.
މިއީ ޖުލައި 2023އަށްފަހު މިހާ މަތީގައި އޭއެސްޕީއައި ރެކޯޑްކުރެވުނު ފަހަރެވެ.
މިފަހަކަށް އައިސް ސްރީލަންކާގެ ޙިއްސާގެ ބާޒާރުގެ އިންޑެކްސް ދަށަށް ދަމުން ގޮސްފައި ވެއެވެ. ސެޕްޓެމްބަރު މަހު 10،547 ޕޮއިންޓު ދަށަށް ދިއުމަށްފަހު މިއަދުގެ މަތިވުމުން ޙިއްސާގެ ބާޒާރަށް އިތުރު ހިތްވަރެއް ލިބިފައި ވެއެވެ.
މިދިޔަ ވިޔަފާރި ހަތް ދުވަހުގެ ތެރޭގައި، ކޮލޮމްބޯ ސްޓޮކް އެކްސްޗޭންޖަށް ވަރުގަދަ ކުރިއެރުމެއް ލިބިފައިވާ ކަންވެސް ފާހަގަ ވެއެވެ.
ޚާއްސަކޮށް، ސެޕްޓެމްބަރު މަހުގެ 13 ވަނަ ދުވަހުން ފެށިގެން މަޑުމަޑުން އިތުރުވަމުން ގޮސް، 1،100 ޕޮއިންޓް މައްޗަށް ޖެހިލާފައި ވެއެވެ.
މި ކުރިއެރުމުން ދައްކައި ދެނީ ރައީސް ކުމާރަ ޑިސަނާޔަކަގެ ސަރުކާރާމެދު އިންވެސްޓަރުންގެ އިތުބާރެވެ.
