ދުނިޔޭގެ ހިތުގެ ދުވަސް ފާހަގަކުރުމުގެ ގޮތުން ބައިސްކަލް، ސްކޭޓް އަދި ސްކޫޓަރ ދުއްވުމުގެ ހަރަކާތެއް އިއްޔެ މާލޭގެ ސެންޓްރަލް ޕާކުގައި ބާއްވައިފިއެވެ.
މި ހަރަކާތް ބޭއްވުނީ ސިއްޙީ ވުޒާރާއިން އިސްނަގައިގެން އެހެނިހެން މުއައްސަސާތަކާ ގުޅިގެންނެވެ. މި ރަސްމިއްޔާތު ޝަރަފުވެރިކޮށްދެއްވީ ދިވެހި ދައުލަތަށް ގިނަ ދުވަހު ޚިދުމަތްކޮށްދެއްވާފައިވާ ޑޮކްޓަރ އަބްދުއްސައްތާރު ޔޫސުފެވެ. އަދި މި ރަސްމިއްޔާތުގައި މިނިސްޓަރ އޮފް ހެލްތު ޑޮކްޓަރ އަބްދުﷲ ޚަލީލް ބައިވެރިވެ ވަޑައިގަތެވެ. މީގެ އިތުރުން ސިއްޙީ ވުޒާރާގެ އިސްވެރިންވެސް މި ހަރަކާތުގައި ބައިވެރިވެ ވަޑައިގެންނެވިއެވެ.
މި ހަރަކާތުގެ މައިގަނޑު މަޤްޞަދަކީ ހިތުގެ ބައްޔަށް ހުށަހެޅޭ މީހުންގެ މެދުގައި ދިރިއުޅުމުގެ ވައްޓަފާޅި ބަދަލުކޮށް، ކެއިން ބުއިމުގެ ރަނގަޅު އާދަތައް އަށަގެންނެވުމާއި، ހެލިފެލިވެ އުޅުމުގެ މުހިންމުކަމަށް ހޭލުންތެރިކުރުވުމެވެ. އަދި ފުރިހަމަ ޞިއްޙަތެއްގައި ހުރުމަށްޓަކައި ދުޅަހެޔޮ ހިތެއްގެ ވެރިބަޔަކަށް ވުމަށް ގަދައަޅައި މަސައްކަތް ކުރުމަށް ބާރުއެޅުމެވެ.
މި ހަރަކާތް ކުރިއަށް ގެންގޮސްފައިވަނީ މިނިސްޓްރީ އޮފް ހެލްތާއި، އެޗް.ޕީ.އޭ، ދުނިޔޭގެ ޞިއްޙަތު ޖަމްޢިއްޔާ، އެޗް.ޑީ.ސީ، ބައިކް މޯލްޑިވްސް، ސްކޭޓް މޯލްޑިވްސް، ޓައިނީ ހާރޓްސް އޮފް މޯލް މޯލްޑިވްސް، ދަމަނަވެށި، ހުޅުމާލޭ ހޮސްޕިޓަލް، އަދި ފުލުހުން ގުޅިގެންނެވެ.
މިފަދަ ހަރަކާތްތައް ބޭއްވުމަަކީ މުޖުތަމަޢުގެ ޞިއްޙަތު ރަނގަޅުކޮށް، ހިތުގެ ބަލިތަކުން ރައްކާތެރިވުމަށް އެޅޭ މުހިންމު ފިޔަވަޅެއް ކަމުގައި ސިއްޙީ ވުޒާރާއިން ފާހަގަާހަގަކޮށްފައިވެއެވެ.
