ޓޯކިޔޯގައި ހުންނަ ދިވެހިރާއްޖޭގެ އެމްބަސީގެ ސަފީރުގެ ނާއިބު، އަލްފާޟިލް އަހުމަދު އާދިލް، މިއަދު ޖަޕާން ފައުންޑޭޝަންގެ އިސް ބޭފުޅުންނާ ބައްދަލުކުރައްވައިފިއެވެ.
މި ބައްދަލުވުން ބޭއްވުނީ ޖަޕާން ފައުންޑޭޝަންގެ އޮފީހުގައެވެ.
މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވުނީ ޖަޕާން ފައުންޑޭޝަންގެ "ލެންގުއޭޖް ޕްރޮގްރާމް" ގެ ދަށުން ދިވެހިރާއްޖެއަށް ފޯރުކޮށްދެވިދާނެ ޖަޕާނު ބަސް ދަސްކުރުމުގެ ޕްރޮގްރާމްތަކާ ބެހޭގޮތުންނެވެ. މީގެ އިތުރުން، ދިވެހިރާއްޖޭގައި ޖަޕާނު ބަސް ދަސްކޮށްދޭ ޓީޗަރުން ތަމްރީނު ކުރުމުގައި ހުރި ފުރުޞަތުތަކާ ގުޅޭގޮތުންވެސް ދެފަރާތުން މަޝްވަރާކުރައްވާފައިވެއެވެ.
ދިވެހިރާއްޖެއާއި ޖަޕާނާ ދެމެދު އޮތް ގުުޅުން އިތުރަށް ބަދަހިކުރުމަށް މިފަދަ ޕްރޮގްރާމްތަކުން މަގުފަހިވެގެންދާނެއެވެ. ޖަޕާނުގެ އިސް ބޭފުޅުން ފާހަގަކުރެއްވި ގޮތުގައި، ދިވެހިރާއްޖެއަށް އެހީތެރިވުމަށް އެ ފައުންޑޭޝަނުން ތިއްބެވީ ތައްޔާރަށެވެ. އަދި ކުރިއަށް އޮތް ތަނުގައި މި ދާއިރާއިން އިތުރު އެއްބާރުލުން ފޯރުކޮށްދިނުމަށް ބޭނުންވާ ކަމުގައި ވެސް އެ ފައުންޑޭޝަނުން ވިދާޅުވިއެވެ.
މި ބައްދަލުވުމަކީ ދިވެހިރާއްޖެއާއި ޖަޕާނާ ދެމެދު އޮތް އެކުވެރިކަން އިތުރަށް ހަރުދަނާކޮށް، ތަޢުލީމީ ދާއިރާއިން އިތުރު ފުރުޞަތުތައް ހޯދުމަށް މަގުފަހިވެގެންދާނެ ބައްދަލުވުމެއް ކަމުގައި ބެލެވެއެވެ.
