މޯލްޑިވްސް ކޮލިފިކޭޝަންސް އޮތޯރިޓީ (އެމްކިޔުއޭ) އިން މިއަހަރުގެ މިހާތަނަށް 1333 ސަނަދެަދެއް "ވެލިޑޭޓް" ކޮށްފިއެވެ.
މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާއިން ދެއްވި މަޢުލޫމާތުގައިވާ ގޮތުން، މިއަހަރުގެ މިހާތަނަށް އެމްކިޔުއޭ އަށް ޖުމްލަ 1621 ސަނަދެއް "ވެލިޑޭޓް" ކުރުމަށް ހުށަހަޅާފައިވެއެވެ. މީގެ ތެރެއިން 1333 ސަނަދެއް ވަނީ މިހާރު "ވެލިޑޭޓް" ކޮށް ނިމިފައެވެ.
ކޮލިފިކޭޝަން ރިކޮގްނިޝަންގެ ޚިދުމަތަކީ ދިވެހިރާއްޖޭގައާއި ބޭރު ޤައުމުތަކުގައި މަތީ ތަޢުލީމު ފޯރުކޮށްދޭ މަރުކަަރުކަޒުތަކުން ދަރިވަރުން ހާސިލްކޮށްފައިވާ ސަނަދުތަކަކީ އެމްކިޔުއޭ އިން ކަނޑައަޅާފައިވާ އެމްއެންކިޔުއެފް ލެވެލްއަށް ފެތޭ ސަނަދުތަކެއްކަން ކަށަވަރުކުރުމަށް ދެވޭ ޚިދުމަތެކެވެ. މި ޚިދުމަތުގެ ދަށުން، ދަރިވަރުން "ވެލިޑޭޓް" ކުރުމަށް ނުވަތަ ޕްރޮގްރާމެއްގެ ފެންވަރު ކަނޑައެޅުމަށް އެދި ހުށަހަޅާ ސަނަދުތައް އެމްކިޔުއޭ އިން ބަލައި ޗެކްކުރުމަށްފަހު، އެ ސަނަދެއްގެ ލެވެލް އެނގޭ، އެމްކިޔުއޭގެ ތައްގަނޑު ހިމެނޭ ލިޔުމެއް ދަރިވަރާ ހަވާލުކުރެވެއެވެ.
ދިވެހިރާއްޖޭގެ ތަޢުލީމީ ޤާނޫނުގައި ބަޔާންކޮށްފައިވާ ގޮތުން، ރާއްޖޭގެ މަތީ ތަޢުލީމުގެ ފެންވަރު ރަނގަޅުކޮށް، ބޭރުގެ ދަރިވަރުން ރާއްޖޭގެ ޔުނިވަރސިޓީތަކުގައި ތަޢުލީމު ހާސިލުކުރުމަށް އަންނާނެ ފަދަ ހަރުދަނާ ތަޢުލީމީ ނިޒާމެއް ބިނާކުރުމަކީ ސަރުކާރުގެ އަމާޒެކެވެ. މި އަމާޒަށް ވާސިލުވުމަށްޓަކައި، މަތީ ތަޢުލީމުދޭ މަރުކަޒުތަކުން ހިންގާ ކޯސްތަކުގެ ފެންވަރު ކަށަވަރުކޮށް، ރާއްޖޭގެ ޔުނިވަރސިޓީ އަދި ކޮލެޖް އިންސްޓިޓިއުޓްތަކުން ނިކުންނަ ދަރިވަރުންގެ ތަޢުލީމީ ފެންވަރު ހަރުދަނާކުރުމަށް މިނިސްޓްރީ އޮފް ހަޔަރ އެޑިޔުކޭޝަން، ސްކިލްސް ޑިވެލޮޕްމަންޓްގެ ދަށުން އެމްކިޔުއޭ އިން ގިނަގުނަ މަސައްކަތްތަކެއް ކުރަމުން ގެންދެއެވެ.
