މާލޭ އަދި ހުޅުމާލޭގެ ބައެއް ސަރަހައްދުތަކުން މާދަމާ ކަރަންޓުގެ ހިދުމަތް މެދުކެނޑުން އެކަށީގެންވާކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ބުނެފިއެވެ.
ސްޓެލްކޯއިން ބުނީ ކަރަންޓް ހިދުމަތް މެދުކެނޑެނީ މާލޭގެ މީޑިއަމް ވޮލްޓޭޖް ޑިސްޓްރިބިއުޝަން ގްރިޑް ނެޓްވޯރކްގެ ކެޕޭސިޓީ އިތުރުކަމަށް ކޮންމެހެން ކުރަންޖެހޭ މަސައްކަތްތަކެއް ކުރަންޖެހޭތީ ކަމަށެވެ.
އެގޮތުން، މާދަމާ (4 އޮކްޓޫބަރ 2024) ހެނދުނު 6:00 އާއި 6:30 ދެމެދު އަދި 9:30 ން 10:30 ދެމެދު މާލެ ސިޓީ، މާފަންނު، މައްޗަންގޯޅި އަދި ގަލޮޅުގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑުން އެކަށީގެންވާ ކަމައް ސްޓެލްކޯއިން ބުންޏެވެ.
އަދި މި މަސައްކަތްތަކުގެ ސަބަބުން ކަރަންޓުގެ ހިދުމަތް މެދުކެނޑިގެން ދިމާވާނެ ދަތިތަކަށް ސްޓެލްކޯއިން ވަނީ މާފަށް އެދިފައެވެ.
