ލ.ފޮނަދޫގައި ހިންގަމުންދާ އިންޖީނުގޭގެ ޖާގަ އިތުރުކުރރުކުރުމުގެ މަޝްރޫޢުގެ 92 އިންސައްތަ މަސައްކަތް ވަނީ ނިމިފައެވެ.
މި މަޝްރޫޢަކީ ކަރަންޓުގެ ޚިދުމަތުގެ ފެންވަރު ރަނގަޅުކޮށް، ދެމެހެއްޓެނިވި ގޮތެއްގައި ޚިދުމަތް ފޯރުކޮށްދިނުމަށްޓަކައި ކުރިއަށްގެންދާ މަސައްކަތެކެވެ. ފެނަކައިން މަޢުލޫމާތު ދިންގޮތުގައި، މި މަސައްކަތް ފުރިހަމަވުމުންވުމުން 1.2 މެގަވޯޓުގެ 2 ޖެނެރޭޓަރު ބެހެއްޓޭނެ ޖާގަ އިތުރުވެގެންދާނެއެވެ. މިއަހަރުގެ އޭޕްރީލް މަހު ފެށުނު މި މަޝްރޫޢުގެ މަސައްކަތް ކުރިއަށްދަނީ ފެނަކައިން އިން-ހައުސްކޮށެވެ.
މިހާތަނަށް އިންޖީނުގެއަށް އިތުރުކުރެވޭ ބައިގެ ފުރާޅާއި ތަޅުމުގެ މަސައްކަތް ނިމި، ކަވަރިންގވެސް ވަނީ އެއްކޮށް ނިމިފައެވެ. ފެނަކައިން ބުނާގޮތުގައި ބާކީ ހުރި މަސައްކަތްތައް ކުރިއަށް އޮތް ދެ ހަފްތާއެއްހާ ދުވަހުގެ ތެރޭގައި ނިންމާލެވޭނެއެވެ.
ލ. އަތޮޅުގެ ވެރިކަން ކުރާ ރަށް ކަމަށްވާ ފޮނަދޫއަކީ ޢުމްރާނީ މަސައްކަތްތަކާއި ވިޔަފާރީގެ ޙަރަކާތްތައް ފުޅާވަމުން އަންނަ ރަށެކެވެ. އެހެންކަމުން، ކަރަންޓުގެ ކެޕޭސިޓީ އިތުރުވުމަކީ އެރަށަށް ކޮންމެހެން ބޭނުންތެރި ކަމެކެވެ. މި މަޝްރޫޢު ނިމުމުން، މިހާރު ދެމުންދާ ކަރަންޓުގެ ޚިދުމަތުގެ ފެންވަރު އިތުރަށް ރަނގަޅުވެގެންދާނެ ކަމަށް ފެނަކައިން ބުނެއެވެ.
