އައްޑޫ ސިޓީގައި މޯލްޑިވްސް ރެޑްކްރޮސެންޓުގެ ފަރާތުން ޒުވާނުންނަށް ކުރިއަށްގެންދާ "ޔޫތު ފޯކަސް ކޭމްޕް" ގެ ބައިވެރިންނަށް، އެމްއެންޑީއެފް ސަދަން އޭރިއާ ކޮމާންޑުން ސްވިމިންގ ސެޝަނެއް ކުރިއަށް ގެންގޮސްފިއެވެ.
އެމްއެންޑީއެފުން ބުނީ މިއަދު ހެނދުނު ކުރިއަށް ގެންދިޔަ މި ސެޝަންގައި، ވޯޓަރ ޓްރިލިންގއާއި ލައިފް ސޭވިންގ ސްކިލްސްގެ ތިއަރީގެ އިތުރުން، ޢަމަލީގޮތުން އެ ބައިތައް ބައިވެރިން ވަނީ ފަރިތަކޮށްފައިކަމަށެވެ.
މި ސެޝަންގެ ބައިވެރިންނަށް މައުލޫމާތު ފޯރުކޮށްދީ، ސެޝަން ކުރިއަށް ގެންގޮސްފައިވަނީ އެމްއެންޑީއެފް ސަދަން އޭރިއާ ކޮމާންޑްގެ މުދައްރިބުންނެވެ.
މިސެޝަންގައި،"ޔޫތް ފޯކަސް ކޭމްޕް" ގެ 21 ފަރާތެއް ބައިވެރިވިއެވެ.
