ދަތުރުފަތުރާއި މަދަނީ އުދުހުންތަކާ ބެހޭ ވުޒާރާއިން މިއަދު އިޢުލާންކުރި ގޮތުގައި، ހުޅުމާލޭގައި ޤާއިމްކޮށްފައިވާ މެކޭނިކަލް ޕާކިންގ ސިސްޓަމްތައް އެ މިނިސްޓްރީގެ ބެލުމުގެ ދަށަށް ގެނެސް، އާންމުންނަށް ބޭނުންކުރެވޭނެ ގޮތް ހަދަން ނިންމައިފިއެވެ.
މިއީ މާލެފަހި ޕްރޮގްރާމްގެ ދަށުން، މާލޭގެ ޕާކިންގގެ މައްސަލަ ހައްލުކުރުމަށް ކުރެވޭ މުހިއްމު މަސައްކަތްތަކުގެ ތެރެއިން އެއް މަސައްކަތެވެ. މިނިސްޓްރީން ދެއްވި މަޢުލޫމާތުގައިވާ ގޮތުން، ހުޅުމާލޭގައި މިހާރު 8 މެކޭނިކަލް ޕާކިންގ ސިސްޓަމް ޤާއިމްކޮށްފައިވެއެވެ. މި ސިސްޓަމްތަކުގައި ޖުމްލަ 255 ވެހިކަލް ޕާކުކުރެވޭނެ ކަމަށް ބެލެވެއެވެ. މި ޕްރޮޖެކްޓް ފެށުމަށްޓަކައި ވާންޖެހޭ ތައްޔާރީތައް މިހާރު ދަނީ ކުރެވެމުންނެވެ. އަދި މިއީ ސަރުކާރުގެ ކުންފުނިތަކުގެ އެއްބާރުލުމާއެކު ކުރިއަށް ގެންދެވޭ ޕްރޮޖެކްޓެއްކަން ވެސް މިނިސްޓްރީން ފާހަގަކޮށްފައިވެއެވެ.
މި މަޝްރޫޢުގެ ސަބަބުން، މާލޭގެ މަގުތަކުގައި ޕާކުކޮށްފައި ހުންނަ ވެހިކަލްތަކުގެ އަދަދު މަދުވެ، މަގުތަކުގެ ތޮއްޮއްޖެހުން ކުޑަވެގެންދާނެ ކަމަށް މިނިސްޓްރީން ބުނެފައިވެއެވެ. މި މަޝްރޫޢާ ގުޅޭ އިތުރު ތަފްސީލުތަކާއި، މެކޭނިކަލް ޕާކިންގ ސިސްޓަމްތައް ބޭނުންކުރުމަށް ހަމަޖެހިފައިވާ އުސޫލުތަކާއި، އަގުތައް ވެސް ކައިރި މުސްތަޤްބަލެއްގައި އާންމުކޮށް އިޢުލާންކުރާނެ ކަމަށް މިނިސްޓްރީން މަޢުލޫމާތު ދެއްވާފައިވެއެވެ.
މާލޭގެ ޕާކިންގގެ ދަތިކަމަކީ އެތައް އަހަރެއް ވަންދެން ދިވެހި ރައްޔިތުން ކުރިމަތިލަމުން އައި ބޮޑު މައްސަލައެކެވެ. މި މަޝްރޫޢަކީ އެ މައްސަލައަށް ހައްލެއް ހޯދުމަށް އެޅޭ މުހިންމު ފިޔަވަޅެއް ކަމަށް ބެލެވެއެވެ.
ތިޔަތަނުން ޕާކިންގް ދޭންވީ ހުޅުމާލެ ފްލެޓްތަކަށާއި ގަރާޖުނެތި ރަޖިސްޓްރީކޮށްފައިހުރި އުޅަނދާއި މަގުމައްޗަށް ރަޖިސްޓްރީކޮށްފައި ހުރި އުޅަނދުތަކަށް. އެއަށްފަހު ގަރާޖުނެތި ސިޓީބޭނުންކޮށްގެން ރަޖިސްޓަރީކޮށްފައިހުރި އުޅަނދުތަކަށް މީގެ އިތުރުވެއްޖެނަމަ އަައުފަރާތްތަކަށް. މަގުތަކުން ވެހިކަލް ޕާކިން ނަގަންޖެހޭ.