ރާއްޖެއަށް މޫސުން ގޯސްވާނެ ކަމަށް ލަފާކޮށް މޫސުމާއިބެހޭ ގައުމީ އިދާރާ އިން މުޅި ރާއްޖެއަށް ހުދު ސަމާލު ނުވަތަ ވައިޓް އެލާޓް ނެރެފިއެވެ.
މޫސުމާބެހޭ ގައުމީ އިދާރާއިން މިއަދު ހުދުސަމާލު ނެރެފއިވަނީ ހއ. އަތޮޅުން ފެށިގެން އެންމެ ދެކުނުން އައްޑު އަތޮޅާ ހަމައަށެވެ.
މިއަދު ހެނދުނު 7:45 އިން ފެށިގެން މެންދުރު 13:45 ހަމައަށް މި ސަމާލު ދެމިއޮންނާނެއެވެ.
އެވަގުތުގައި މުޅިރާއްޖެއަށް ބޯކޮށް ވާރޭވެހި ގުގުރުރާނެ ކަމަށް މޫސުމާބެހޭ ގައުމީ އިދާރާއިން ބުނެފައިވެއެވެ. އަދި
ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 40 މޭލަށް ވައި ގަދަވެ ކަނޑުތައް ގަދަވާނެ ކަމަށް ލަފާކުރެވޭ ކަމަށްވެސް އެ އިދާރާއިން ބުނެފައިވެއެވެ.
