މޫސުން ގޯސްވުމުގެ ސަބަބުން ރާއްޖެގެ ބޮޑުބަޔަކަށް މޯލްޑިވްސް މީޓިއޮރޮލިޖިކަލް ސާރޗިސް (މެޓް)އިން ރީނދޫ ސަމާލު ނެރެފިއެވެ.
މެޓުން މި ސަމާލު ނެރެފައިވަނީ ހއ. އަތޮޅުން ފެށިގެން ތ. އަތޮޅާ ދެމެދު ހިމެނޭ އަތޮޅުތަކަށެވެ.
މެޓުން ބުނީ މި ސަމާލުގައި ބޯކޮށް ވާރޭވެހި، ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައިޖެހޭނެކަމަށެވެ.
މީގެއިތުރުން، ވިލާގަނޑުގައި ގަޑިއަކު 50 މޭލަށް ވައި ގަދަވެ ކަނޑުތައް ގަދަވެ ކަނޑުތައް ގަދަވާނެ ކަމަށް ލަފާކުރެވޭކަމަށެވެ.
މި ސަމާލުގެ މުއްދަތު ހަމަވާނީ މިއަދު ހެނދުނު 10:00 އަށެވެ.
މެޓް އޮފީހުން އިއްޔެ ވަނީ ރާއްޖެ ސަރަހައްދުގައި ހުޅަނގު މޫސުމުގެ ބާރު ގަދަވެފައިވާ ކަމަށާއި، ކުރިއަށް އޮތް ފަސް ދުވަހު ކަނޑުތައް ގަދަވާނެ ކަމަށް ލަފާކޮށް ދަތުރުކުރާއިރު ސަމާލުވުމަށްވެސް އިލްތިމާސްކޮށްފައެވެ.
