ލުބްނާނަށް އެއްގަމު މަގުން ވަދެގަތުމަށް މަސައްކަތް ކުރި ސަޔްހޫނީ އިޒްރޭލުގެ ސްޕެޝިއަލް ފޯސަސްގެ މަތީ ރޭންކުގެ 25 އޮފިސަރުން މަރާލާފައިވާނެ ކަމަށް ހިޒްބުﷲ ޖަމާއަތުން ބުނެފިއެވެ.
ހިޒްބުﷲއިން ބުނީ ފާއިތުވެދިޔަ ހަފްތާއެއްހައި ދުވަހުގެ ތެރޭގައި ސަޔްހޫނީ ސިފައިންނާ ދެކޮޅަށް ކާމިޔާބު ހަމަލާތަކެއް އެޖަމާއަތުން ދީފައިވާނެ ކަމަށެވެ. މި ހަމަލާތަކުގައި ސަހްޔޫނީ ސިފައިންގެ ތެރެއިން މަދުވެގެން 130 މީހުން ޒަހަމްވެފައިވާނެ ކަންވެސް ހިޒްބުﷲއިން ކަށަވަރު ކޮށްދެއެވެ.
މީގެ އިތުރުން ހިޒްބުﷲ އިން ރޭ އިޒްރޭލުގެ ހައިފާއަށް ދިން ރޮކެޓް ހަމަލާއެއްގައި 10 މީހަކަށް ސީރިއަސް ޒަހަމްތަކެއް ލިބިފައިވާކަން އިޒްރޭލުން ވަނީ އެއްބަސްވެފައެވެ.
އަނެއްކޮޅުން ސަހްޔޫނީ ފައުޖުން ގެންދަނީ އެމެރިކާގެ އެހީތެރިކަމާއެކު ކޮންމެ ރެޔަކު ކަހަލަ ގޮތަކަށް ލުބްނާނުގެ ވެރިރަށް ބެއިރޫތަށް މިސައިލު ހަމަލާދީ އާންމު ރައްޔިތުން ހިމެނޭ ގޮތަށް އެތައް ބަޔަކު ޝަހީދު ކުރަމުންނެވެ.
