ގާފަރު ކައުންސިލްގެ 9 ވަނަ ޤުރުޢާން މުބާރާތުގައި ބައިވެރިވުމުގެ ފުރުޞަތު ވަނީ ހުޅުހުޅުވާލާފައެވެ.
މި މުބާރާތަކީ ރައްޔިތުންގެ ހިތްތަކުގައި ކީރިތި ޤުރުއާނަށް ލޯބިޖެއްސުމާއި ޤުރުއާން ކިޔެވުމުގެ ރޫޙު އާލާކޮށް ދިރުވުމުގެ މަޤްޞަދުގައި ކުރިއަށް ގެންދާދާ މުބާރާތެކެވެ. ގާފަރު ކައުންސިލުން ބުނި ގޮތުގައި، މި މުބާރާތަކީ ގާފަރުގެ އެންމެހާ ރައްޔިތުންނަށް ހުޅުވާލައިގެން ބާއްވާ މުބާރާތެކެވެ. އަދި ކުރިއެކޭ އެއްގޮތަށް، މިއަހަރުވެސް މި މުބާރާތް ކުރިއަށް ގެންދިއުމަށް ވަނީ ހަމަޖެހިފައެވެ.
މުބާރާތުގައި ބައިވެރިވާން ބޭނުންވާ ފަރާތްތަކަށް 10 އޮކްޓޯބަރ 2024 ވާ ބުރާސްފަތި ދުވަހުގެ 14:00 ގެ ކުރިން ފޯމު ހުށަހެޅުމަށް ކައުންސިލުން ވަނީ އަންގާފައެވެ. ފ ފޯމު ހުށަހެޅޭނީ ކައުންސިލްގެ އިދާރާއަށް ސީދާ ގެންގޮސްގެން ނުވަތަ ގޫގަލް ފޯމް މެދުވެރިކޮށެވެ.
ކައުންސިލުން އިތުރަށް ބުނި ގޮތުގައި، މުބާރާތުގައި ބައިވެރިވާން އެދޭ ފޯމު ކައުންސިލްގެ އިދާރާއިން ލިބެން ހުންނާނެއެވެ. އަދި ގޫގަލް ފޯމްގެ ލިންކް ކައުންސިލްގެ މީސްމީޑިއާގެ އެކި މަންސަތަކުގައި ހިއްސާކުރެވޭނެއެވެ. މީގެ އިތުރުން، މުބާރާތުގެ ގަވާއިދު ވެސް ވަނީ ޢާންމުކޮށްފައެވެ.
މި މުބާރާތަކީ ގާފަރުގައި ކުރިއަށް ގެންދާ އަހަރީ ޙަރަކާތެކެވެ. އަދި މި މުބާރާތުގެ ސަބަބުން ރަށުގެ ކުޑަކުދިންނާއި ބޮޑެތި މީހުންގެ މެދުގައި ޤުރުއާން ކިޔެވުމުގެ ޝައުޤުވެރިކަން އިތުރުވެގެންދާނެ ކަމަށް އުންމީދު ކުރެވެއެވެ.
