އިންޑިއާގެ ރައީސާ ދުރުފަދީ މުރުމުގެ ދަޢުވަތަށް، ދެ ޤައުމުގެ ދެމެދުގައި އޮތް ދިގު މުއްދަތުގެ ގުޅުން އިތުރަށް ހަރުދަނާކުރުމަށް އަމާޒުކޮށްގެން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ރަސްމީ ދަތުރުފުޅެއްގައި އިންޑިއާއަށް ވަނީ ވަޑައިގެންފައިއެވެ.
މި ދަތުރުފުޅަކީ ދިވެހިރާއްޖެ އާއި އިންޑިއާގެ ގުޅުމަށް ފާހަގަކޮށްލެވޭ ކުރިއެރުމެއް ގެނެސްދޭނެކަމަށް ބެލެވޭ ދަތުރުފުޅެކެވެ. މި ދަތުރުފުޅުގައި ގިނަ އަދަދެއްގެ މުހިންމު އެއްބަސްވުންތަކެއްގައި ސޮއިކުރެވި، އެކި ދާއިރާތަކުން އެއްބާރުލުން އިިތުރުކުރުމަށް އެއްބަސްވެވުނެވެ.
މީގެ އިތުރުން، މި ދަތުރުފުޅުގައި ރައީސް މުޢިއްޒު ވަނީ މަތީ ފަންތީގެ މަޝްވަރާތަކެއްގައިވެސް ބައިވެރި ވަޑައިގެންފައިއެވެ. މީގެ ތެރޭގައި ދެ ޤައުމުގެ މަސްލަހަތުތައް ފާހަގަކުރެވި، ކުރިމަގުގައި ދެ ޤައުމަށް ފައިދާވާނެ ގޮތަށް އެއްބާރުލުން ދިނުމަށް ބެހޭގޮތުން މަޝްވަރާތައް ބާއްވާފައިވެއެވެ.
ރައީސްގެ މިދަތުރުފުޅުގައި މިހާތަނަށް ފާހަކޮށްލެވޭ އެތަކަށް ކުރިއެރުންތަކެއް ލިބިފައިއެބަވެއެވެ.
އެގުތުން މި ދަތުރުފުޅުގެ އުސްއަލިތަކުގެ ތެރޭގައި:
- އިންޑިއާއާއި ރާއްޖެއާ ދެމެދު 5 އެއްބަސްވުމެއް އެކުލަވާލައިލުން
-
- 400 މިލިއަން އެމެރިކާ ޑޮލަރުގެ ބައިލެޓަރަލް ކަރަންސީ ސްވޮޕް އެގްރީމަންޓް
- ދިވެހިރާއްޖޭގެ ނޭޝަނަލް ކޮލެޖް އޮފް ޕޮލިސިން އެންޑް ލޯ އެންފޯސްމަންޓާއި އިންޑިއާގެ ރާޝްތްރިޔާ ރަކްޝާ ޔުނިވަރސިޓީއާ ދެމެދު ވެވުނު އެއްބަސްވުން
- 200 ޖުޑީޝަލް އޮފިސަރުންނަށް ތަމްރީނު ޕްރޮގްރާމެއް ހިންގުމަށް ވެވުނު އެއްބަސްވުން
- ކޮރަޕްޝަން މަދުކުރުމަށް ގުޅިގެން މަސައްކަތް ކުރުމަށް ވެވުނު އެއްބަސްވުން
- ރާއްޖެއާއި އިންޑިއާގެ ޒުވާނުންނާއި ކުޅިވަރުގެ ވުޒާރާއާ ދެމެދު ވެފައިވާ އެއްބަސްވުމުގެ މުއްދަތު އިތުރުކުރުން
- އިންޑިއާގެ ރުޕޭ ކާޑު ރާއްޖޭގައި ބޭނުން ކުރެވޭ ގޮތް ހެދުން
- ހަނިމާދޫ އިންޓަރނޭޝަނަލް އެއަރޕޯޓްގެ ރަންވޭގެ މަސައްކަތް ނިންމައި ރަސްމީކޮށް އިފްތިތާހްކުރެއްވުން
- އައްޑޫގައި އިންޑިއާގެ ކޮންސިއުލޭޓަކާއި ބެންގަލޫރުގައި ދިވެހި ކޮންސިއުލޭޓެއް ޤާއިމުކުރުމަށް މަޝްވަރާކުރެއްވުން
- އިންޑިއާގެ އެހީގައި ހުޅުމާލޭގައި އިމާރާތް ކުރި 700 ހައުސިން ޔުނިޓް ނިންމާ ހަވާލުކުރުން
