ތިލަދުންމަތީ އުތުރުބުރީ ދިއްދޫގައި ގާއިމްކުރަމުންދާ ޖޫނިއަރ ކޮލެޖްގެ އިމާރާތުގެ 90 ޕަސެންޓް މަސައްކަތް ނިމިފައިވާކަމަށް މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާއިން މިއަދު ހާމަކޮށްފިއެވެ.
މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ ފަރާތުން، މަތީ ތަޢުލީމު ކުރިއެރުވުމަށް އަމާޒުކޮށް، ހއ. ދިއްދޫގައި މި ޖޫނިއަރ ކޮލެޖް ބިނާކުރުމުގެ މަސައްކަތް ފަށާފައިވަނީ ފާއިތުވި އަހަރުއެވެ. މިނިސްޓްރީން މަޢުލޫމާތު ދެއްވިގޮތުގައި، މި ކޮލެޖްގެ އިމާރާތުގެ ކޮންކްރީޓް ހުރިހާ މަސައްކަތްތަކެއް ނިމި، ރޭނުމާއި ސިމެންތި ޖެހުމުގެ މަސައްކަތުގެ ބޮޑުބައެއް ވެސް މިހާރު ވަނީ ނިމިފައެވެ.
މީގެ އިތުރުން، މި އިންސްޓިޓިއުޓް ހިންގުމުގެ އިދާރީ މަސައްކަތްތަށް ކުރުމަށް ތައްޔާރުވުމުގެ އިތުރުން ކިޔަވައިދިނުމަށް ބޭނުންވާ އިންތިޒާމުތައް ހަމަޖެއްސުމުގެ މަސައްކަތްތައް ވެސް އަންނަނީ ކުރިއަށް ދަމުންނެވެ. މިނިސްޓްރީން ބުނާގޮތުގައި، މި މަސައްކަތް ނިމި، ހއ. ދިއްދޫގެ ޖޫނިއަރ ކޮލެޖްގައި ކިޔަވައިދޭން ފަށާނެކަމަށް ލަފާކުރަނީ 2025 ވަނަ އަހަރުއެވެ.
މި ޖޫނިއަރ ކޮލެޖް ގގާއިމްކުރުމުގެ މަޤްޞަދަކީ، އުތުރުގެ ރަށްރަށުގައި ދިރިއުޅޭ ދަރިވަރުންނަށް މަތީ ތަޢުލީމުގެ ފުރުޞަތުތައް ފަހިކޮށްދިނުމެވެ. މިކަމުގެ ސަބަބުން، އުތުރު ސަރަޙައްދުގެ ދަރިވަރުންނަށް މާލެއަށް ނުވަތަ އެހެން ރަށްރަށަށް ދަތުރުކުރުމަކާ ނުލައި، އެ ސަރަޙައްދުގައި ތިބެގެން މަތީ ތަޢުލީމު ޙާޞިލުކުރުމުގެ ފުރުޞަތު ލިބިގެންދާނެއެވެ.
