ޕްރީސްކޫލުގެ ދަރިވަރުން، އެމްއެންޑީއެފް ކޯސްޑްގާޑު ޝިޕް ޝަހީދު އަލީއަށް އިއްޔެ ޒިޔާރަތްކޮށްފިއެވެ.
އެ އެ ސްކޫލުގެ 228 ދަރިވަރުންނާއި 20 ޓީޗަރުން ބައިވެރިވި މި ޒިޔާރަތަކީ، ދަރިވަރުންނަށް ކަނޑު ދަތުރުފަތުރާ ބެހޭ ގޮތުން މައުލޫމާތު ހޯދުމަށް ކުރި ޒިޔާރަތެކެވެ.
މި ޒިޔާރަތުގައި، ދަރިވަރުންނަށް ވަނީ ކަނޑު ދަތުރުފަތުރާ ގުޅޭ ގޮތުންނާއި، ކަނޑުދަތުރުފަތުރުކުރުމުގައި ސަލާމަތާއި ރައްކާތެރިކަމާ ގުޅޭގޮތުންނާއި، ލައިފް ޖެކެޓް އަޅަންވީ ގޮތުގެ މަޢުލޫމާތު ފޯރުކޮށްދިނުމުގެ އިތުރުން ރޯޕްވާކް ކުލާހެއް ނަގައިދީފައެވެ.
މި ޒިޔާރަތުގައި، ދަރިވަރުންނަށް މައުލޫމާތު ފޯރުކޮށްދިނީ ކޯސްޓްގާޑު ޝިޕް ޝަހީދު އަލީގެ ސިފައިންނެވެ.
