ގްރޭޓަރ މާލެ ސަރަހައްދުގައި ކުނި އުކާލާ ގަޑިތަކަށް ބޮޑެތި ބަދަލުތަކެއް ގެންނަން ނިންމައިފިއެވެ.
މާލޭ ސަރަހައްދުގެ ކުނި އުކާލާ ގަޑިތަކަށް ގެނައި ބަދަލާއެކު ދެން ކުނި އުކުމުގެ އިންތިޒާމްތައް ކުރިއަށް ދާނީ ރޭގަނޑު 10:00 އިން ފެށިގެން ފަތިހު 5:00 ގައެވެ.
މާލެފަހި ޕްރޮގްރާމުގެ ތެރެއިން މި ބަދަލު ގެންނަން ނިންމާފައިވާ ސަބަބަކީ މަގުމަތީގެ ތޮއްޖެހުން ކުޑަކުރުމަށް ޓަކައި މި ވަގުތު ގެންނަން މުހިއްމު ބަދަލަކަށް ވާތީއެވެ. މާލެ މަގުތަކުގައު ދުވާލުގެ ވަގުތުތަކުގައި ދުއްވާ އުޅަނދުފަހަރު ގިނަވެފައިވާތީ މި ބަދަލަކީ މާލެ މަގުމަތި ތޮއްޖެހުން ކުޑަކޮށްދޭނެ ބަދަލެކެވެ.
މި އައު އުސޫލު ތަންފީޒުކުރުމުގައި ބައިވެރިވާނީ ދަތުރުފަތުރާއި މަދަނީ އުދުހުންތަކާ ބެހޭ ވުޒާރާގެ އިތުރުން މިނިސްޓްރީ އޮފް ކްލައިމެޓް ޗޭންޖް, އެންވަޔަރަމެންޓް އެންޑް އެނަރޖީ, މާލެ ސިޓީ ކައުންސިލު އަދި ވޭސްޓް މެނޭޖްމަންޓް ކޯޕަރޭޝަން (ވެމްކޯ) އެވެ.
