ކ. މާފުށި ބަނދަރު ތަރައްޤީކުރުމުގެ މަޝްރޫޢުގެ 50 އިންސައްތަ ފުރިހަމަކުރެވިފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮންޕެނީ (އެމްޓީސީސީ) އިން ބުނެފިއެވެ.
އެމްޓީސީސީން މިހެން ބުނީ އެ ކުންފުނީގެ ސޯޝަލް މީޑިއާގައި ކޮށްފައިވާ ޕޯސްޓައްގައެވެ. އެމްޓީސީސީއިން އިތުރަށް ބުނެފައިވަނީ އެއްގަމު ތޮށީގެ ކޮންކްރީޓް މަސައްކަތް މިހާރު ނިމިފައިވާކަމަށާއި ބަނދަރު ފުންކުރުމުގެ މަސައްކަތުގެ 76 އިންސައްތަ ފުރިހަމަކުރެވިފައިވާކަމަށެވެ.
މާފުށި ބަނދަރު ތަރައްޤީކުރުމުގެ މަޝްރޫޢުގެ ދަށުން އެމްޓީސީސީއިން ކުރަންޖެހޭ މަސައްކަތްތަކުގެ ތެރޭގައި 63,711 ކިއުބިކް މީޓަރުގެ އައު ބަނދަރު ސަރަޙައްދު ފުންކުރުމުގެ މަސައްކަތް، 28,836 ކިއުބިކް މީޓަރުގެ މެއިންޓެނެންސް ޑްރެޖިން، 4,414 ކިއުބިކް މީޓަރުގެ ޗެނަލް ފުންކުރުމުގެ މަސައްކަތް، 31 މީޓަރުގެ ބޭރުތޮށި އެޅުން، 680 މީޓަރުގެ ހިލަ ޖަހައިގެން ރިވެޓްމަންޓް ހެދުން؛ 700 މީޓަރުގެ ޖިއޯބެގް ރިވެޓްމަންޓް ހެދުން؛ 374 މީޓަރުގެ ކީވޯލް އެޅުމާއި ކޮންކްރީޓް ޖެޓީއެއް އެޅުން ފަދަ މަސައްކަތްތައް ހިމެނެއެވެ.
މި މަޝްރޫޢުއަކީ 76 މިލިއަން ރުފިޔާގެ މަޝްރޫޢުއެކެވެ.
