ބޭންކް އޮފް މޯލްޑިވްސް (ބީއެމްއެލް) އިން ނެޝަނަލް ލައިބްރަރީ އޮފް މޯލްޑިވްސްއަށް 30 ވާހަކަ ފޮތް ހަދިޔާކޮށްފިއެވެ.
މި ފޮތްތައް ހަދިޔާކުރީ ބީއެމްއެލްގެ ރިސްކް އެންޑް ކޮމްޕްލައިންސް ޑިޕާޓްމަންޓުގެ މުވައްޒަފުން ނެޝަނަލް ލައިބްރަރީއަށް ކުރި ޒިޔާރަތެއްގައެވެ. ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާއިން މަޢުލޫމާތު ދެއްވިގޮތުގައި، ނެޝަނަލް ލައިބްރަރީއިން ވަނީ ބީއެމްއެލްއިން މި ފޮތްތައް ހަދިޔާ ކުރުމުން ޝުކުރު އަދާކޮށްފައެވެ. މި ފަދަ ހަދިޔާތަކަކީ ދިވެހިރާއްޖޭގެ ގައުމީ ކުތުބުހާނާގެ ފޮތްތަކުގެ އަދަދު އިތުރުކޮށް، ކިޔުންތެރިންނަށް އިތުރު ފުރުސަތުތަކެއް ހޯދައިދޭ ކަމެކެވެ.
ބީއެމްއެލްގެ މި މަސައްކަތަކީ އިޖްތިމާޢީ ޒިންމާގެ ދަށުން ކުރާ މަސައްކަތްތަކުގެ ތެރެއިން އެއް މަސައްކަތް ކަމަށް ބެލެވެއެވެ. މިފަދަ މަސައްކަތްތަކުން ރާއްޖޭގެ ކިޔުންތެރިކަން ކުރިއެރުވުމަށާއި، ޢިލްމީ ދާއިރާ ފުޅާކުރުމަށް އެހީތެރިވެދޭނެ ކަމަށް އުއްމީދު ކުރެވެއެވެ.
