މޯލްޑިވްސް ނެޝަނަލް ސްކިލްސް ޑިވެލޮވެލޮޕްމަންޓް އޮތޯރިޓީ (އެމްއެންއެސްޑީއޭ) އާއި މޯލްޑިވްސް އެންހޭންސިންގ އެމްޕްލޮޔަބިލިޓީ ވިތް ރެޒިލިއެންސް (މީރީ) ޕްރޮޖެކްޓް ގުޅިގެން ހިންގި 5 ދުވަހުގެ "ޓްރެއިނިންގ އޮފް ޓްރެއިނަރސް (ޓީއޯޓީ)" ޕްރޮގްރާމްގެ ނިންމުމުގެ ރަސްމިއްޔާތު މިއަދު ބާއްވައިފިއެވެ.
މި ޕްރޮގްރާމަކީ އކީ އެސެސަރުން ތަމްރީނުކުރުމަށް އަމާޒުކޮށްގެން ހިންގުނު ޕްރޮގްރާމެއް ކަމަށާއި، މި ޕްރޮގްރާމްގައި ޖުމްލަ 29 ނެޝަނަލް އެސެސަރުން ބައިވެރިވެފައިވާ ކަމަށް އެމްއެންއެސްޑީއޭއިން މަޢުލޫމާތު ދެއްވިއެވެ.
ނެޝަނަލް އެސެސަރުންނަކީ ދިވެހިރާއްޖޭގެ އެކި ދާއިރާތަކުން ސަނަދު ހާސިލުކޮށް، ކުރިއަރައި ދިޔުމަށް ޝައުގުވެރިވާ ޒުވާނުން ތަމްރީނުކުރުމަށް އެމްއެންއެސްޑީއޭގައި ރަޖިސްޓަރީވެފައިވާ ފަރާތްތަކެވެ.
ޓީއޯޓީ ފަދަ ތަމްރީނު ޕްރ ޕްރޮގްރާމްތަކުގެ މައިގަނޑު މަޤްޞަދަކީ އެސެސަރުންނަށް ބޭނުންވާ އިތުރު ތަމްރީނު ފޯރުކޮށްދިނުން ކަމަށް އެމްއެންއެސްޑީއޭއިން ވިދާޅުވިއެވެ. މި ޕްރޮގްރާމްގެ ނިންމުމުގެ ރަސްމިއްޔާތުގައި މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާގެ ސްޓޭޓް މިނިސްޓަރ ޑރ. އަބްދުލްރަޙީމްގެ އިތުރުން މީރީ ޕްރޮޖެކްޓް އަދި އެމްއެންއެސްޑީއޭގެ އިސް ބޭފުޅުން ބައިވެރިވެވަޑައިގެންނެވިއެވެ.
މި ޕްރޮގްރާމަކީ ޤައުމުގެ މަސައްކަތްތެރިކަމުގެ ދާއިރާ ކުރިއެރުވުމަށާއި، ޒުވާނުންގެ ހުނަރުވެރިކަން އިތުރުކުރުމަށް އެޅޭ މުހިންމު ފިޔަވަޅެއް ކަމަށް ބެލެވެއެވެ. މިފަދަ ޕްރޮގްރާމްތަކުން އެސެސަރުންގެ ފެންވަރު މަތިވެ، ޒުވާނުންނަށް ދެވޭ ތަމްރީނުތަކުގެ ފެންވަރު ރަނގަޅުވެގެންދާނެ ކަމަށް އުންމީދުކުރެވެއެވެ.
