ހދ. ނެއްލައިދޫ ކައުންސިލާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީން އިސްނަގައިގެން، ފުލުހުންނާ ގުޅިގެން ފެތުމާއި މަގުމަތީގެ ސަލާމަތާއި ރައްކާތެރިކަމާ ގުޅޭ ހަރަކާތެއް އެ ރަށުގެ ރައްޔިތުންނަށް އަމާޒުކޮށްގެން ކުރިއަށް ގެންދިއުމަށް ހަމަޖެހިފައިވާ ކަމަށް އެ ކައުންސިލުން ބުނެފިއެވެ.
ނެއްލައިދޫ ކައުންސިލުން މިއަދު ގެޒެޓުގައި ޝާއިރު ކޮށްފައިވާ ބަޔާނުގައި ބުނެފައިވާ ގޮތުގައި، މި ހަރަކާތުގެ މައިގަނޑު މަޤްޞަދަކީ މުޖުތަމަޢުގެ އަފްރާދުންނަކީ މަގުމަތީގެ ޤަވާޢިދުތަކަށް އަހުލުވެރިވެފައިވާ ބަޔަކަށް ހެދުމާއި ކަނޑުމަތީގެ ރައްކާތެރިކަމަށް ޢާންމުން އަހުލުވެރިކުރުވުމެވެ.
މި ހަރަކާތުގައި ބައިވެރިވުމަށް ޝައުޤުވެރިވާ ފަރާތްތަކަށް ނަން ނޯޓުކުރުމުގެ ފުރުޞަތު ވަނީ ހުޅުވާލާފައެވެ. ބައިވެރިވާން ބޭނުންވާ ފަރާތްތަކުން 2024 އޮކްޓޫބަރު 24 ވާ ބުރާސްފަތި ދުވަހުގެ ކުރިންކުރިން ނެއްލައިދޫ ކައުންސިލްގެ ނަންބަރު 6520041 އަށް ގުޅައިގެން ނުވަތަ އޮންލައިން ލިންކު މެދުވެރިކޮށް ނަން ނޯޓުކުރެވޭނެއެވެ.
މިފަދަ ހަރަކާތްތަކަކީ މުޖުތަމަޢުގެ ސަލާމަތާއި ރައްކާތެރިކަން އިތުރުކުރުމަށް މުހިންމު ދައުރެއް އަދާކުރާނެ ކަމެއްކަމަށް ބެލެވެއެވެ.
