ކުޅުދުއްފުށީ ސިޓީގެ ތިން ސްކޫލަށް ޤުރުއާން ކޯޗިންގ ޕްރޮގްރާމެއް ރާވައި ހިންގައިދޭނެ ފަރާތެއް ހޯދުމަށް ކުޅުދުއްފުށީ ސިޓީ ކައުންސިލުން ބީލަން ހުޅުވާލައިފިއެވެ.
މި މަސައްކަތަށް ޝައުޤުވެރިވާ ފަރާތްތަކަށް މަޢުލޫމާތު ސާފުކުރުމަށް ޕްރީ ބިޑް މީޓިންގއެއް 24 އޮކްޓޯބަރު 2024 ވަނަ ދުވަހުގެ ހެނދުނު 10:30 ގައި ބޭއްވުމަށް ވަނީ ހަމަޖެހިފައެވެ. އަދި ބީލަމުގައި ބައިވެރިވުމަށް ރަޖިސްޓަރީވުމުގެ ސުންގަޑިއަކީ 30 އޮކްޓޯބަރު 2024 ވަނަ ދުވަހުގެ 10:30 ކަމަށް ކައުންސިލުން މަޢުލޫމާތު ދީފައިވެއެވެ.
އަންދާސީ ހިސާބު ހުށަހެޅުމަށް ހަމަޖެހިފައިވަނީ 31 އޮކްޓޯބަރު 2024 ވަނަ ދުވަހުގެ 10:30 ގައިއެވެ. ބީލަމާ ގުޅޭ އިތުރު މަޢުލޫމާތު ސާފުކުރެއްވުމަށް ރަސްމީ ގަޑީގައި 6527177، 6527182 ނުވަތަ 6527192 އަށް ގުޅުއްވުމަށް ކައުންސިލުން އަންގާފައިވެއެވެ.
މި ބީލަމާ ގުޅޭ އެންމެހާ ލިޔެކިޔުންތައް ކުޅުދުއްފުށީ ސިޓީ ކައުންސިލްގެ ވެބްސައިޓުން 21 އޮކްޓޯބަރު 2024 އިން ފެށިގެން ޑައުންލޯޑް ކުރެވެން ހުންނާނެ ކަމަށްވެސް ކައުންސިލުން ވިދާޅުވެފައިވެއެވެ. އަދި ބީލަމާ ގުޅިގެން ދޫކުރެވޭ އެންމެފަހުގެ މަޢުލޫމާތުތައް ވެބްސައިޓް މެދުވެރިކޮށް ހޯދުމަކީ ބީލަމަށް ކުރިމަތިލާ ފަރާތުގެ ޒިންމާއެއް ކަމަށްވެސް ކައުންސިލުން ވަނީ އަންގާފައެވެ.
ކައުންސިލުން އިތުރަށް ފާހަގަކޮށްފައިވާ ގޮތުގައި، މި ބީލަމުގައި ބައިވެރިވެވޭނީ މިނިސްޓްރީ އޮފް އިކޮނޮމިކް ޑިވެލޮޕްމަންޓްގައި ވިޔަފާރި ރަޖިސްޓްރީ ކޮށްފައިވާ އަދި މި ބީލަމުގައި ރަޖިސްޓްރީވެފައިވާ ފަރާތްތަކަށް އެކަނިއެވެ.
