އެމްްއެންޑީއެފާއި އިންޑިއާ އަސްކަރިއްޔާ ގުޅިގެން އަހަރަކު އެއްފަހަރު ބާއްވަމުން އަންނަ "އެކްސަސައިޒް އެކަތަ" ގެ 7 ވަނަ ސިލްސިލާ އެމްްއެންޑީއެފް ނޮދަން އޭރިއާ ކޮމާންޑް، ޅ. މާފިލާފުށީގައި ފަށައިފިއެވެ.
މާފިލާފުށީގައި ހުންނަ ކޮމްޕޮސިޓް ޓްރެއިނިންގ ސެންޓަރުގައި މިއަދު ބޭއްވި މި ތަމްރީނު ފެށުމުގެ ރަސްމިއްޔާތު ޝަރަފުވެރިކޮށްދެއްވީ އެމްްއެންޑީއެފް ނޮދަން އޭރިއާ ކޮމާންޑްގެ ކޮމާންޑަރ، ބްރިގޭޑިއަރ ޖެނެރަލް އިސްމާއީލް ޝަރީފެވެ.
އެމްއެންޑީއެފުން ބުނީ ތިން ހަފުތާގެ މުއްދަތަށް ޅ.މާފިލާފުށީގައި، އެމްއެންޑީއެފާއި އިންޑިއަން ނޭވީން ގުޅިގެން ހިންގާ މި އަހަރުގެ އެކްސަސައިޒްގައި އިންޑިއަން ނޭވީ، މެރިން ކޮމާންޑޯއާއި އެމްއެންޑީއެފް މެރިން ކޯރ، ސްޕެޝަލް އޮޕަރޭޝަންސް ގުރޫޕްގެ އޮޕަރޭޓިވްސް ދަނީ ހަރަކާތްތެރިވަމުން ކަމަށެވެ.
މި ތަމްރީނުތަކުގައި މައިގަނޑު ގޮތެއްގައި ފަރިތަކުރަމުން ދަނީ ޓެކްޓިކަލް ޑައިވިންގ، ފަޔަރިންގ، ސްލިދަރިން އަދި ބޯޑިން ފަދަ ތަމްރީނުތަކެވެ.
