ޚިޔާލުތަފާތުވުން ބޮޑު އެކްޓަރު އަދި ސޯޝަލް މީޑިއާ އިންފްލޫއެންސަރު ޑޭން ބިލްޒެރިއަން ބުނަނީ އިޒްރޭލުން މީހުންނަށް އޮޅުވާލަން ހޮޅި ވާހަކަތަކެއް ދައްކާފައިވާ ކަމަށެވެ. އޭނާ ބުނަނީ ދެވަނަ ބޮޑު ހަނގުރާމައިގައި ނާޒީން ބޮޑު އަވަނުގައި ފިހެލި، ހޮލޮކޯސްޓްގައި މަރުވި ޔަހޫދީންގެ އަދަދު 6 މިލިއަނަށް ނާރާނެ ކަމަށެވެ. އަދި ތާރީޚީ ގޮތުން އެވާހަކަ އަނބުރަމުން ގޮސް ހަގީގަތަކަށް ހަދައި މީހުންގެ ބޮލަށް ވައްދައި ދީފައިވާ ކަމަށް އޭނާ ބުނެއެވެ.
ޕިއާސް މޯގަންގެ އަންސެންސަރޑް ޕްރޮގްރާމްގައި ވާހަކަ ދައްކަމުން، ބިލްޒެރިއަން ވަނީ ހަމާސްގެ ހަރަކާތަކީ މިނިވަންކަމަށް ހަނގުރާމަ ކުރާ ހަރަކާތެއް ކަމަށާއި ހަމާސްގެ މަރުހޫމް ލީޑަރު ކޮމާންޑަރު ޔަހްޔާ ސިންވާރަކީ ބަޠަލެއް ކަމަށް ސިފަ ކޮށްފައެވެ.
އޭނާގެ މިވާހަކަތަކަށް ޒަޔަނިސްޓު ޔަހޫދުން ވަނީ ދަތްކުނޑި ވިކިފައެވެ.
ޖެރޫސަލަމް ޕޯސްޓުން ބުނާ ގޮތުގައި ރިޕޯޓްކޮށްފައިވާ ގޮތުގައި އެމެރިކާގެ ސޯޝަލް މީޑިއާ އިންފްލޫއެންސަރ އަދި ޕޯކަރ ކުޅުންތެރިޔާ ޑޭން ބިލްޒެރިއަން އަންގާރަ ދުވަހު ޕިއަރސް މޯގަން އަންސެންސަރޑް ޝޯއަށް އަރާފައި ވަނީ އަމިއްލައަށް މަޝްހޫރު ވާން ވެގެންނެވެ.
އެޕްރޮގްރާމުގައި ވާހަކަ ދައްކަމުން އޭނާ ބުނެފައި ވަނީ ލީބިޔާގެ ލީޑަރު ޤައްޒާފީ އަވަހާރަކޮށްލީ ޒަޔަނިސްޓު ޔަހޫދުންގެ މޮސާދުން ކަމަށެވެ.
އަދި ހަމަ އެނޭވާގައި އޭނާ ބުނެފައި ވަނީ 1963 ވަނަ އަހަރު އެމެރިކާގެ ރައީސް ޖޯން އެފް ކެނެޑީ އަވަހާރަކޮށްލީ ވެސް ޒަޔަނިސްޓުންގެ މޯސާޑުން ކަމަށެވެ.
އިސްރާއީލުގެ މޮސާޑުން ހިންގި އޮޕަރޭޝަނެއް ކަމަށް ވެސް އޭނާ ވިދާޅުވި އެވެ.
ބިލްޒެރިއަން އަކީ އަރްމީނިއާ ނަސްލުގެ މީހެކެވެ. އަދި އޭނާއަކީ ޑޮނަލްޑް ޓްރަމްޕްގެ ސަޕޯޓަރެކެވެ.
