ކަނޑުގެ އަޑިން ޖަރުމަނާއި ފިންލޭންޑް ގުޅުވާލާ ޑޭޓާ ކޭބަލް ކަނޑައިގެން ދިއުމުން އިންޓަރނެޓަށް ބުރޫއަރައިފި ކަމަށް ފިންލޭންޑްގެ ސައިބަރ ސެކިއުރިޓީ އެންޑް ޓެލެކޮމް ނެޓްވޯކް ކުންފުނި ސިނިއާ އިން ބުނެ އެވެ.
ފިންލޭންޑްގެ ވެރިރަށް ހެލްސިންކީ އިން ފެށިގެން ޖަރުމަނުގެ ބަނދަރު ރޮސްޓޮކް އާދެމެދު ބޯލްޓިކް ކަނޑުގެ އަޑިން 1،200 ކިލޯމީޓަރު (745 މޭލު) ގެ ސީ-ލަޔަން1 ކޭބަލް ދުއްވާފައި ވެއެވެ.
މި ކޭބަލް 2023ގައިވެސް ބުރިވިއެވެ. އެއިރު މައްސަލަ ތަހުގީގު ކުރުމަށްފަހު ބުނީ ޗައިނާގެ އާގުބޯޓަކުން ނަގިލި ކަހާލުމުގެ ސަބަބުން ކޭބަލް ބުރިވީ ކަމަށެވެ.
2022ގައި ޖަރުމަނާއި ރަޝިޔާއާ ދެމެދުގެ ގޭސް ހޮޅިއެއްވެސް ދައުލަތުގެ ޓެރަރިސްޓް ހަމަލައެއްގައި ގޮއްވާލާފައި ވެއެވެ. އެ ހާދިސާއަށް ތުހުމަތު ކުރެވެނީ އެމެރިކާއަށެވެ.
