އައިސް ލޮލީއަކީ ހޫނު ދުވަސްތަކުގައާއި ދަތުރުތަކަށް ދާއިރު ބޯލަން ވަރަށް ރަނގަޅު އެއްޗެކެވެ. މީގެ އިތުރުން މިއީ ވަރަށް ފަސޭހައިން، މަދު ތަކެއްޗެއް ބޭނުން ކޮށްގެން ތައްޔާރުކުރެވޭނެ އެއްޗެކެވެ.
މި ރެސިޕީއިން ތައްޔާރު ކުރެވޭނީ: 4 ލޮލީއެވެ.
ބޭނުންވާ ތަކެތި:
¼ ޖޯޑު ސަން އަޕް މެންގޯ ފްރުޓް ޑްރިންކް ބޭސް
1 ޖޯޑު ފެން
4 މޭޒުމަތީ ސަމުސާ ޕެޝަންފްރުޓް އޮށް
ހަދާނެ ގޮތް:
1. ކުޑަ ޖަގަކަށް ¼ ޖޯޑު ސަން އަޕް މެންގޯ ފްރުޓް ޑްރިންކް ބޭސްއާއި 1 ޖޯޑު ފެން އަޅާލާށެވެ. އަދި ސަމުސަލެއް ބޭނުންކޮށްގެން ރަނގަޅަށް ގިރާލާށެވެ.
2. ދެން އެއަށް 4 މޭޒުމަތީ ސަމުސާ ޕެޝަންފްރުޓް އޮށް އަޅާލުމަށް ފަހު އަދި އެއް ފަހަރު ރަނގަޅަށް ގިރާލާށެވެ.
3. އެއަށް ފަހު ކުޑަ ހަތަރު ކަރުދާސް ތަށްޓަށް ގިރާލި ޖޫސް އަޅާލާށެވެ. މިކަމަށް ލޮލީ ހެދުމަށް ބޭނުންކުރާ ހާއްސަ ޓްރޭ ވެސް ބޭނުން ކުރެވިދާނެއެވެ.
4. ދެން ކޮންމެ ތަށްޓެއްގެ މަތީގައި އެލުމިނަމް ފޮއިލް އަޅާ ބަންދުކޮށްލާށެވެ. އަދި އެލުމިނަމް ފޮއިލްގެ މަތިން ކުޑަ ތަންކޮޅެއް ކަފާލުމަށް ފަހު ތަށީގެ ތެރެއަށް ލޮލީ ހަދަން ބޭނުންކުރާ ކަހަލަ ފަތި ލަކުނޑި ދަނޑިކޮޅެއް ލާށެވެ. (ފޮއިލްގެ ސަބަބުން ދަނޑިކޮޅު ސީދަލަށް ހުރުމަށް އެހީތެރިވާނެއެވެ.)
5. އެއަށްފަހު 4 ނުވަތަ 5 ގަޑިއިރު ވަންދެން ލޮލީތައް އައިސްއަލަމާރީގެ ގަނޑުކުރާ ބަޔަށް ލާ ފިނިކޮށްލާށެވެ.
6. ލޮލީތައް އައިސްއަލަމާރިން ނެގުމަށް ފަހު ދެތިން މިނެޓް ވަންދެން މަޑުކޮށްލާށެވެ. އޭރުން ލޮލީތައް ވަރަށް ފަސޭހައިން ތަށިން ނަގާލެވޭނެއެވެ.
މައުލޫމާތު: ލޮނުމެދު.ކޮމް
