މުލްހިދު ފިލްމުގެ މައްސަލަ ކޯޓަށް ވައްދައިފިއެވެ. މުލްހިދު ފިލްމާ ދެކޮޅަށް ވަކާލާތު ކުރާ މީހުން ބުނަނީ ސެންސަރު ބޯޑުން ދީފައިވާ ހުއްދަ ބާޠިލުކޮށް ފިލްމު އުފެއްދުމުގައި ބައިވެރިވި އެންމެންގެ ޝަރީއަތް ކުރަން ޖެހޭނެ ކަމަށެވެ.
މުލްހިދަށް ސަޕޯޓު ކުރާ ވަކީލުން ބުނަނީ ސެންސަރު ބޯޑުގެ އިޚުތިސާސަށް އަރައިގަތް އެންމެންގެ ޝަރީއަތް ކުރަން ޖެހޭނެ ކަމަށެވެ. އަދި އެމީހުންނަކީ ދީނީ ގޮތން ހައްދުފަހަނައަޅައި ދިނުމަށް ހިތްވަރުދޭ މީހުންކަމަށް ބަލައި އެކަމަށްވެސް ޝަރީއަތް ކުރަން ޖެހޭނެ ކަމަށެވެ.
މުލްހިދަކީ ދީން ގަބޫލު ކުރުމަށްފަހު ﷲ ވޮޑިގެން ނުވާކަމަށް ބުނާ މީހާއެވެ.
މުލްޙިދު ފިލްމުގައި ތުނބުޅިލީ މީހާ (ފަންނާނު، މަހުމޫދު ހަމީދާ)ގެ ދަރިފުޅު ހާފިޒު، އިލާހު ވޮޑިގެން ނުވާކަމަށް ބުނުމުން އޭނާއަށް ތައުބާ ލައިދޭން މަހުމޫދު ހަމީދާ އާއިލީ ޖަލްސާއެއް ބާއްވައެވެ. އެޖަލްސާގައި އޭނާ ރާވާފައި ވަނީ ތައުބާ ލައިދިނުމަށާއި އަދި ހާފިޒު ތައުބާ ގަބޫލު ނުކޮށްފިނަމަ އޭނާ މަރާލާށެވެ. އެކަމަށް އިންކާރު ކުރަނީ ހާފިޒުގެ މަންމައެވެ.
އެހިސާބުން ފިލްމު ފެށިގެން ކުރިއަށް ދަނީއެވެ.
މި މައްސަލައިގެ ޝަރީއަތްވެސް އަދި މިސްރުގެ ޤާހިރާ ކޯޓުގައި ފެށެން އުޅެނީއެވެ!
