ފަލަސްޠީނު މީހުންނާ ދެކޮޅަށް ހަނގުރާމައިގެ ޖަރީމާތައް ހިންގާ ގީވާޓީ ބްރިގޭޑްގައި ހަނގުރާމައިގެ ޖަރީމާތައް ހިންގި މުޖުރިމު، ފާދިރީ ޒްވީ ކޮގޭން މަރާލި ކަމަށް ތުހުމަތުކޮށްގެން ޔޫއޭއީ އިން 3 މީހަކު ހައްޔަރުކޮށްފިއެވެ.
މޯލްޑާވިއާގެ ރަށްވެހިކަމާއި ޔަހޫދުންގެ ގައުމުގެ ރަށްވެހިކަން ގެންގުޅޭ މީހާ އެކުވެރި އަރަބި އިމާރާތަށް ވަދެފައި ވަނީ މޯލްޑާވިއާގެ ޕާސްޕޯޓެއްގައި ކަމަށް ޔޫއޭއީން ބުނެއެވެ.
ހަނގުރާމައިގެ ޖަރީމާތައް ހިންގުމަށް ފަހު ޒަޔަނިސްޓު ސިފައިން އަރާމުކޮށްލައި ޗުއްޓީ ހޭދަ ކޮށްލަން މާ މަގްބޫލު މަންޒިލަކަށް ޔޫއޭއީ ވެއެވެ.
އިޒްރޭލާއި ޔޫއޭއީއާ ދެމެދު 4 އެއާލައިނުން ދުވާލެއްގެ މައްޗަށް 89 ދަތުރު ބާއްވައެވެ. މި ދެމެދުގެ ދަތުރުގެ ދިގުމިނަކީ 4 ގަޑިއިރެވެ. ޓިކެޓެއްގެ އަގު އުޅެނީ ކޮޅަކަށް، 101 އެމެރިކާ ޑޮލަރަށެވެ.
ތަގްދީރުގެ ނިޔާއިން އެއްކޮޅު ޓިކެޓެއްގައި އެމިރޭޓްސްއަށް ދާން ހަމަޖެއްސި ޔަހުދީ މީހާ މަރުވެފައި އޮތީ ޔޫއޭއީގެ އިމާރާތެއް ކަމަށްވާ އަލްޢައިން ގައެވެ. އެތާގައި އޭނާ މަރުވީކަމެއް ނޫނީ މަރާލުމަށްފަހު ގެންދިޔައީ ކަމެއް ސާފެއް ނުވެއެވެ.
އިޒްރޭލުގެ ވެރިކަން ކުރާ ލިކޫދު ޕާޓީގެ ދުރޫޒް މެމްބަރަކު ޔޫއޭއީގައި ވާހަކަ ދައްކަމުން ބުނެފައި ވަނީ މި ޖަރީމާއަކީ އީރާނުން ހިންގި ޖަރީމާއެއް ކަމަށެވެ. ނަމަވެސް އީރާނުން ބުނެފައި ވަނީ އެއީ ހޮޅިވާހަކައެއް ކަމަށެވެ.
ޔަހޫދީ މީހާގެ މަރުގެ ތަހުގީގު ނިމުމުން އޭނާގެ ގަބުރު އިޒްރޭލަށް އެކްސްޕޯޓު ކުރާނެ ކަމަށް ޔޫއޭއީން ބުނެފައި ވެއެވެ.
