އޮސްޓްރޭލިއާގެ ހައުސް އޮފް ރެޕްރެޒެންޓޭޓިވްސް އިން 16 އަހަރުން ދަށުގެ ކުދިންނަށް ސޯޝަލް މީޑިއާ ބޭނުންކުރުން މަނާކުރާ ގާނޫނެއް ފާސްކޮށްފިއެވެ. މިއީ ދުނިޔޭގައިވެސް މިއުމުރުފުރާ ކުދިންނަށް މީސްމީޑިއާ ބޭނުން ނުކުރެވޭ ގޮތަށް ފާސްކުރާ ފުރަތަމަ ގާނޫނެވެ.
މި ގާނޫނަށް ބޮޑެތި ޕާޓީތަކުން ވަނީ ތާއީދުކޮށްފައެވެ. މި ގާނޫނަށް އަމަލު ކުރަން ފެށުމަށް އެއް އަހަރު ދުވަހުގެ މުއްދަތެއް ލިބޭނެއެވެ.
އެއާއެކު، ޓިކްޓޮކް، ފޭސްބުކް، ސްނެޕްޗެޓް، ރެޑިޓް، އެކްސް، އަދި އިންސްޓަގްރާމް ފަދަ ޕްލެޓްފޯމްތަކަށް ބަދަލު ގެނަން ވާނެއެވެ. އަދި އެއަށްފަހު، ގާނޫނީ ގޮތުން އެމަންސަތައް ޒިންމާވާން ޖެހެ އެވެ.
މި ގާނޫނާ ޚިލާފުވާ ފަރާތްތައް 50 މިލިއަން އޮސްޓްރޭލިއާ ޑޮލަރު (33 މިލިއަން އެމެރިކާ ޑޮލަރު) އާ ހަމައަށް ޖޫރިމަނާ ކުރުމަށް ހުށަހަޅާފައި ވެއެވެ.
އައު ގާނޫނަށް ތާއީދުކޮށް 102 މެންބަރުން ވޯޓު ދިން އިރު، ދެކޮޅަށް ވޯޓުލާފައި ވަނީ 13 މެންބަރުންނެވެ.
ދަށު ގެ އިން ގާނޫނު ފާސްކުރުމަށްފަހު، ދެން ސެނެޓުން އެ ގާނޫނު ފާސްކުރާނެއެވެ.
