މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ވޯލްޑް ބޭންކާއި، އޭބީއެލް، އެޗްއެޗްއެކްސް ބްލޫ އަދި އާރކްސިލިއާއާ ގުޅިގެން ރާއްޖޭގެ ކަނޑުދަތުރުފަތުރުގެ ދާއިރާ ތިމާވެށްޓާ ރައްޓެހި ގޮތަކަށް ބަދަލުކުރުމަށް މަސައްކަތް ފަށައިފިއެވެ.
މި މަޝްރޫޢުގެ މައިގަނޑު އަމާޒަކީ ވައިގެ ތެރެއަށް ދޫކުރެވޭ ވިހަ ގޭސްތައް މަދުކޮށް، ދެމެހެއްޓެނިވި ހަކަތައަށް ބަދަލުވެ، ރާއްޖޭގެ ތަރައްޤީގެ ލަނޑުދަނޑިތަކާ އެއްގޮތަށް ތިމާވެށްޓާ ރައްޓެހި، ދެމެހެއްޓެނިވި މުސްތަޤުބަލެއް ބިނާކުރުމެވެ.
މި މަޤްޞަދު ޙާޞިލުކުރުމަށްޓަކައި އެއްދުވަހުގެ މަސައްކަތު ބައްދަލުވުމެއް ބޭއްވުނެވެ. މި ބައްދަލުވުމުގައި ސަރުކާރާއި އަމިއްލަ ފަރާތްތަކުގެ ބައިވެރިން ބައިވެރިވެ، މި ދާއިރާ ބަދަލުކުރުމުގައި ހުރި ގޮންޖެހުންތަކާއި އަމާޒުތަކާ ބެހޭގޮތުން މަޝްވަރާކުރެވުނުކަމަށް އެމްޕީއެލްއިން ބުނެފައިވެއެވެ.
އޭބީއެލްގެ ފަރާތުން ހުށަހެޅި ޕްރެޒެންޓޭޝަނެއްގައި މި ދާއިރާގެ އިބްތިދާއީ ދިރާސާގެ ނަތީޖާތައް ހިއްސާކުރެވުނެވެ. އަދި ބައިވެރިންގެ މެދުގައި ކުރެވުނު މަޝްވަރާތަކުން ދެމެހެއްޓެނިވި ކަނޑުދަތުރުފަތުރުގެ މުސްތަޤުބަލަކާ މެދު އެއް ވިސްނުމެއް އުފެއްދުމަށް މަގުފަހިވެހެންގޮސްފައިވާކަމަށް އެމްޕީއެލްއިން ބުނެފައިވެއެވެ.
