ޔަހޫދުންގެ ގައުމުން ސަރުކާރުން ފައިސާ ދީގެން މީޑިއާ ހިންގުން ނިމުމަކަށް ގެންނަން ނިންމައިފިއެވެ. ޒަޔަނިސްޓް ޓެރަރިސްޓް އިޒްރޭލުގެ ޕާލަމެންޓުން ވަނީ ސަރުކާރުން ބްރޯޑްކާސްޓް މީޑިއާ ހިންގުން ނިމުމަކަށް ގެންނަ ބިލުގެ ފުރަތަމަ ކިޔުން ނިންމާލާފައެވެ.
އިޒްރޭލުގެ އިދިކޮޅުން ބުނަނީ މިއީ ޑިމޮކްރެސީ މަރާލުމަށް ނަތަންޔާ ހިންގާ ޖަރީމާއެއް ކަމަށެވެ. އަދި މިބިލް ފާސްކޮށްފައި އަމިއްލަ މީޑިއާއާ ދިމާކުރަން އޭނާ ދާނެ ކަމަށެވެ. އިދިކޮޅު ލީޑަރު ޔާއީރް ލެޕިޑް ވަނީ މި ބިލަށް މީޑިއާއިން ދެކޮޅު ހެދުމަށް ގޮވާލާފައެވެ.
ހިފާފައިވާ ފަލަސްޠީނުގައި އިންދާފައިވާ ޔަހޫދުންގެ ގައުމުގައި ސަރުކާރުން ހިންގާ ބްރޯޑްކާސްޓިން ސްޓޭޝަނަކީ ކާން އެވެ. ކާންގެ ޓީވީއާއި ރޭޑިއޯ ހިމެނެއެވެ.
ކާންގެ މަސައްކަތް ހުއްޓާލުމަށް އައު ގާނޫނުން ދެ އަހަރު ދޭނެއެވެ. އަމިއްލަ ފަރާތަކުން އެ ޗެނަލްތައް ގަނެގެން ކުރިއަށް ދާންވީއެވެ. ނޫންނަމަ މުއްދަތު ހަމަވުމުން ވުޖޫދުން ފޮހެވިގެން ދާނެއެވެ.
ޔަހޫދުން ކާން ހުއްޓާލިއަސް ސިފައިން އަމިއްލަ ސްޓޭޝަންތައް ހިންގައެވެ.
