ށ. ކޮމަންޑޫ ގޮނޑުދޮށް ހިމާޔަތްކުރުމުގެ މަސައްކަތުގެ ދަށުން، ރިވެޓްމަންޓް ކާބް ސްޓޯން ޖެހުމުގެ މަސައްކަތުގެ 100 އިންސައްތަ ނިމިފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ބުނެފިއެވެ.
އެމްޓީސީސީން މިހެން ބުނީ އެ ކުންފުނީގެ އެކްސް އެކައުންޓްގައި ކޮށްފައިވާ ޕޯސްޓެއްގައެވެ.
އެކުންފުނިން އިތުރަށް ބުނީ އެރަށު ބަނދަރު ރެކްޓިފިކޭޝަންގެ ވޭރިއޭޝަން ފާސްވުމާއެކު، އެ މަސައްކަތް ފެށުމަށް އަންނަނީ ތައްޔާރުވަމުން ކަމަށެވެ.
އަދި މަތި ކޮމަންޑޫ ހިއްކުމުގެ މަޝްރޫއުގެ ދަށުން، ހިލައިގެ ރިވެޓްމަންޓްގެ މަސައްކަތް ވަނީ މިހާރު ފުރިހަމަކުރެވިފައި ކަމަށާއި އަދި، މިވަގުތު ޖިއޯ ބޭގް ރިވެޓްމަންޓްގެ މަސައްކަތް ފެށުމަށްޓަކައި އެންމެހައި ތައްޔާރީތައްވެސް ފުރިހަމަ ކުރެވިފައިވާ ކަމަށްވެސް އެމްޓީސީސީން ބުނެފައިވެއެވެ.
